داۋرەن ابايەۆ: يسلام الەمىن ءبىر جەردە توعىستىرۋ - ەلباسىنىڭ بەدەلى

استانا. قازاقپارات - يسلام الەمىن ءبىر جەردە توعىستىرۋ - ەلباسىنىڭ بەدەلى.

مۇنداي پىكىردى «حابار» تەلەارناسىنداعى «اشىق سۇحبات» باعدارلاماسىندا ەلىمىزدىڭ اقپارات جانە كوممۋنيكاتسيالار ءمينيسترى داۋرەن ابايەۆ ءبىلدىردى.

باعدارلاما بارىسىندا مينيستر ەلىمىزدە لاتىن الىپبيىنە كوشۋ، مەديتسينالىق ساقتاندىرۋ، ءتىپتى، ابۋ- دابي پلازا قۇرىلىس كەشەنىندەگى جانجالدىڭ قوعام اراسىندا كەڭىنەن تالقىعا تۇسكەنىن اتاپ ءوتتى.

«بۇلاردىڭ بارلىعىنا توقتالعىم كەلمەيدى. ويتكەنى، ولار قوعامدا كەڭىنەن تالقىعا ءتۇستى. ءبىراق، مەن ايتىلعانىمەن بارىنشا نازار اۋدارۋدى قاجەت ەتەتىن شارالارعا كوڭىل اۋدارعىم كەلەدى. ونىڭ ءبىرىنشىسى - يسلام ىنتىماقتاستىق ۇيىمىنىڭ سامميتى. ويلاپ كورىڭىزدەرشى - 83 ەلدىڭ دەلەگاتسياسى استانادا باس قوستى. مۇنداي سامميتى قۋاتتى ەلدەردىڭ وزىنە وتكىزۋ بارىسىندا ءبىراز قيىندىقتار تۋعىزاتىن ەدى. دەمەك، بۇل رەتتە بارلىق مەملەكەتتىك ورگانداردىڭ، ۆەدومستۆولاردىڭ بىرلەسكەن جۇمىسىنىڭ ناتيجەسى كورىندى. مەنىڭشە بۇل سامميتتىڭ ماڭىزدىلىعى ە ق ى ۇ سامميتىنەن اسىپ تۇسپەسە دە كەمشىن بولعان ەمەس»، - دەدى د. ابايەۆ.

سونىمەن قاتار ول ەۋروپالىق وداققا مۇشە مەملەكەتتەردىڭ ەكونوميكالىق دامۋ، ساياسي كوزقاراس تۇرىسىنان بىردەي ساياسات ۇستانبايتىندىعىن باسا ايتتى.

«ال بۇكىل يسلام الەمىن ءبىر جەرگە توعىستىرۋ - بۇل ەلباسىنىڭ بەدەلىنىڭ ارقاسىندا ورىن الدى، 83 ەلدىڭ دەلەگاتسياسىنىڭ باسى قوسىلدى. ونىڭ ىشىندە شامامەن 15 مەملەكەت باسشىسى بار. دەمەك بۇل ماڭىزدى شارا بولدى»، - دەدى داۋرەن ابايەۆ.