08:20, 22 - قىركۇيەك 2017 | GMT +6
وڭتۇستىكتىڭ ەڭبەكشى جاستارى اراسىندا سپارتاكيادا ءوتتى
استانا. قازاقپارات - وڭتۇستىك قازاقستان وبلىسى تولەبي اۋدانى لەڭگەر قالاسىنىڭ ورتالىق ستاديونىندا ايماقتىڭ ءىرى كاسىپورىندارىندا جۇمىس ىستەيتىن جاستار سپورتتىڭ بەس تۇرىنەن ءوزارا مىقتىنى انىقتادى.
وبلىستىق سپارتاكيادانىڭ اتاۋى - «ەڭبەكشى جاستار - بولاشاققا جول باستار!». شارا ماقساتى - ق ر پرەزيدەنتىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا دەنە شىنىقتىرۋ جانە بۇقارالىق سپورتتى دامىتۋ، جۇمىسشى ماماندىقتاردى ناسيحاتتاۋ، ەڭبەك جاستارى اراسىندا دوستىق قارىم-قاتىناستى نىعايتۋ.
كىشى فۋتبول، ۆولەيبول، باسكەتبول، ۇستەل تەنيسى، سۋدا ءجۇزۋ بويىنشا ۇيىمداستىرىلعان سپارتاكياداعا ءىرى ءوندىرىس ورىندارى مەن كاسىپورىنداردا جۇمىس جاسايتىن 18-29 جاسقا دەيىنگى جاستاردان قۇرالعان 9 كوماندا قاتىستى. جارىس قورىتىندىسى بويىنشا جەڭىمپاز كوماندالارعا باعالى ماراپاتتار مەن ديپلومدار تابىس ەتىلدى.
