گولوۆكين قازاقستان حالقىنا جانە پرەزيدەنتكە العىس ايتتى

«بارشا جەرلەستەرىمە، سونداي-اق ايقاسقا كەلگەن جانە تەلەديدار الدىندا ماعان قولداۋ بىلدىرگەندەرگە العىسىمدى ايتامىن. جەكپە-جەك الدىندا شەرۋگە قاتىسقاندارعا دا ۇلكەن سالەم جولدايمىن. سىزدەر لاس-ۆەگاس كوشەلەرىن تۋىمىزدىڭ كوك تۇسىنە كومكەرىپ تاستادىڭىزدار، سول ءۇشىن سىزدەرگە راحمەت. سونداي-اق ۇدايى قولداۋ ءبىلدىرىپ، كەزدەسۋدەن كەيىن قۇتتىقتاۋ جولداعان پرەزيدەنتىمىزگە العىس ايتامىن. ەلىمىزدىڭ كوك بايراعىن بيىككە كوتەرۋ مەن ءۇشىن ۇلكەن مارتەبە ەكەنىن ءاردايىم ايتىپ كەلەمىن. چەمپيوندىق بەلدىكتەر - وزىمدە جانە مەن بارلىق تيتۋلداردىڭ باسىن قوسۋعا ءالى دە نيەتتىمىن. العا، قازاقستان!»، - دەپ جازدى گەننادي گولوۆكين ينستاگرامداعى اككاۋنتىندا.
ەسكە سالايىق، گولوۆكين-الۆارەس جەكپە-جەگى 16 قىركۇيەك كۇنى ا ق ش- تىڭ لاس-ۆەگاس قالاسىندا ءوتتى. تورەشىلەردىڭ شەشىمىمەن ايقاس تەڭ اياقتالدى.