ازيا ويىندارى: قازاقستان جالپى ەسەپتە بەسىنشى ورىندا كەلەدى
بۇگىن قازاقستان قورجىنى 7 مەدالمەن تولىقتى، ونىڭ ەكەۋى - التىن، تورتەۋى - كۇمىس جانە بىرەۋى - قولا، دەپ حابارلايدى قازاقپارات ءتىلشىسى.
«التىندى» قازاق كۇرەسىنەن ايبەك نۇعىماروۆ (90+ ك گ) جانە قاسىمحان تۇلەنباي (70 ك گ) ەنشىلەدى. ال «كۇمىستى» مۋاي-تاي سپورتىنان سىنعا تۇسكەن ەلامان ساياساتوۆ (57 ك گ)، ءابىل گاليەۆ (63,5 ك گ)، ۆاديم وپاريەۆ (75 ك گ) جانە ەميل ۋمايەۆ (81ك گ) جەڭىپ الدى.
90 ك گ سالماقتا ەل نامىسىن قورعاعان ءادىلجان ىستىبايەۆ قولا مەدال يەگەرى اتاندى. التى كۇنگى جارىس قورىتىندىسى بويىنشا، قازاقستان 37 مەدالمەن (9 التىن، 12 كۇمىس، 16 قولا) جالپى ەسەپتە بەسىنشى ورىنعا جايعاستى.
ال جارىس قوجايىنى تۇرىكمەنستان 148 مەدالمەن (59 التىن، 43 كۇمىس، 46 قولا) كوش باستاپ تۇر. 52 مەدال جەڭىپ العان يران سپورتشىلارى (16 التىن، 9 كۇمىس، 27 قولا) - ەكىنشى ورىنعا، 39 مەدالى بار تايلاند (13 التىن، 12 كۇمىس، 14 قولا) ءۇشىنشى ورىنعا ورنالاستى.
وزبەكستان سپورتشىلارى 10 التىن، 17 كۇمىس، 36 قولا مەدالمەن جالپى ەسەپتە ءتورتىنشى ورىندا تۇر.
ايتا كەتەيىك، اتالمىش بايراقتى دوداعا ەل نامىسىن قورعاۋعا قازاقستاننىڭ 150 سپورتشىسى اتتاندى. ولار جارىستىڭ 17 تۇرىنەن سىنعا تۇسۋدە.
