13:18, 21 - قىركۇيەك 2017 | GMT +5
پحەنچحان قىسقى وليمپيادا مەدالدارىن تانىستىردى
استانا. قازاقپارات - پحەنچحان قىسقى وليمپيادالىق ۇيىمداستىرۋ كوميتەتى بۇگىن 2018-جىلعى XXIII قىسقى وليمپيادا ويىندارىنىڭ مەدالدارىن تانىستىردى، دەپ حابارلايدى قازاقپارات.

جەڭىمپازدارعا تابىس ەتىلەتىن مەدالداردىڭ الدىڭعى بەتىندە وليمپيادا ساقينالارى، ەكىنشى بەتىنە پحەنچحان قىسقى وليمپياداسىنىڭ لوگوتيپى بەينەلەنگەن.
مەدالدىڭ ديامەترى 92.5 ميلليمەتر، شىعىڭقى بەتىنىڭ قالىڭدىعى 9.42 ميلليمەتر، ويىس بەتىنىڭ قالىڭدىعى 4.4 ميلليمەتردى قۇرايدى.
التىن مەدالدىڭ سالماعى 586 گرام، «كۇمىس» -580 گرام، «قولا» - 493 گرام.
اتاپ وتكەن ءجون، التىن مەدالدىڭ سالماعى 2014-جىلعى سوچي وليمپياداسى التىن مەدالىنەن اۋىرلاۋ بولىپ وتىر.
ەسكە سالا كەتەيىك، قىسقى وليمپيادا ويىندارى كەلەسى جىلى 8-25 اقپان ارالىعىندا وڭتۇستىك كورەيانىڭ پحەنچحان قالاسىندا وتەدى.