قۇل-مۇحامەد: ەلباسى تاپسىرمالارىنىڭ ورىندالۋىن قاتاڭ باقىلاۋعا الۋىمىز كەرەك
جيىنعا «نۇر وتان» پارتياسى ءتوراعاسىنىڭ ءبىرىنشى ورىنباسارى مۇحتار قۇل-مۇحامەد، پارلامەنت ماجىلىسىندەگى «نۇر وتان» فراكسياسىنىڭ جەتەكشىسى گۇلميرا يسيمبايەۆا، ءماجىلىس ءتوراعاسىنىڭ ورىنباسارى ۆلاديمير بوجكو، ءماجىلىس دەپۋتاتتارى، ينۆەستيتسيالار جانە دامۋ ءمينيسترى جەڭىس قاسىمبەك قاتىسۋدا.
تىڭداۋلارعا بەينەبايلانىس ارقىلى ەلىمىزدىڭ بارلىق ءوڭىرى تىكەلەي قوسىلعان. وتىرىستى اشقان مۇحتار قۇل-مۇحامەد ەلباسىنىڭ تىكەلەي باستاماسىمەن تاۋەلسىزدىك جىلدارىندا قازاقستان ەكونوميكانىڭ شيكىزاتتىق ەمەس سەكتورىن دامىتۋدا اۋىز تولتىرىپ ايتارلىقتاي جەتىستىكتەرگە قول جەتكىزگەنىن اتاپ ءوتتى.
تەك سوڭعى 7 جىلدىڭ ىشىندە ەلىمىزدە 500 گە جۋىق جاڭا ءونىم تۇرلەرىن ءوندىرۋ ءىس قولعا الىنعان.
بۇگىندە «نۇر وتان» پارتياسى ءوزىنىڭ سايلاۋالدى باعدارلاماسىندا ناقتى كورسەتىلگەن بازالىق سالالار مەن يننوۆاتسيانى دامىتۋ مىندەتتەرىن جۇزەگە اسىرۋ باعىتىنداعى جۇمىستاردى جۇرگىزۋدە.
سونىڭ ناتيجەسىندە 2021-جىلى ەلىمىزدە ءتۇرلى-ءتۇستى مەتاللۋرگيا ەكسپورتى 20 پايىزعا وسەدى دەپ كۇتىلىپ وتىر. سونداي-اق مۇناي-گاز سالاسىندا باسەكەگە قابىلەتتىلىك ارتىپ، ەنەرگيامەن قامتاماسىز ەتەتىن كاسىپورىنداردىڭ اياسى كەڭەيمەك.
«ەلباسىنىڭ تاپسىرماسىمەن يندۋستريالىق-يننوۆاتسيالىق دامۋ باعدارلاماسى اياسىندا 1000 نان استام جاڭا كاسىپورىن سالىندى. ونى جۇزەگە اسىرۋعا 5 تريلليون تەڭگەدەن استام قاراجات ءبولىندى.
ەلىمىزگە بۇكىل دۇنيە جۇزىنە تانىمال اسا ءىرى كومپانيالار كەلىپ، ميللياردتاعان دوللار ينۆەستيتسيا سالدى. ەڭ وزىق تەحنولوگيالار اكەلىندى. ءدال وسى جاڭا كاسىپورىندار مۇناي باعاسى ءۇش ەسەگە، باررەلىنە 150 ا ق ش دوللارىنان 50 ا ق ش دوللارعا دەيىن تومەندەگەن كەزدە ەل ەكونوميكاسىنىڭ تۇراقتى دامۋىن قامتاماسىز ەتىپ وتىر. ەندەشە، بۇل ەلباسى تاپسىرمالارىنىڭ ۋاقىتىندا ورىندالۋىن قاتاڭ باقىلاۋعا الۋىمىز كەرەك. «نۇر وتان» پارتياسى ەلباسى تاپسىرمالارى مەن بارلىق پرەزيدەنتتىك باعدارلامالاردىڭ ورىندالۋىنا پارتيالىق باقىلاۋ جۇرگىزۋدى جالعاستىرا بەرەدى»، - دەدى مۇحتار قۇل-مۇحامەد.
اۆتور: ايان بەكەن ۇلى
