التىن قۇيمالار جاقىندا ايىرباستاۋ پۋنكتتەرىندە دە ساتىلا باستاۋى مۇمكىن - د. اقىشەۆ

الماتى. قازاقپارات - قازاقستاندا التىن قۇيمالاردى ساۋدالاۋ قۇقىعىن ايىرباستاۋ پۋنكتتەرىنە بەرۋ باستاماسى قاراستىرىلىپ جاتىر.

بۇل تۋرالى ق ر ۇلتتىق بانك باسشىسى دانيار اقىشەۆ ب ا ق رەداكتورلارىمەن كەزدەسۋ بارىسىندا جۋرناليستىڭ سۇراعىنا جاۋاپ بەرۋ كەزىندە ايتتى.

«ءبىز قۇيمالاردى ساۋدالاۋ قۇقىعىن بانكتەرگە عانا تيەسىلى ەتىپ قالدىرماي، زاڭدى تۇلعالارعا دا - ايىرباستاۋ پۋنكتتەرىنە دە بەرۋ يدەياسىن قاراستىرىپ جاتىرمىز. ولار التىندى شەتەل ۆاليۋتاسى سياقتى باعاسىن بەلگىلەپ، ساتىپ الۋ جانە ساتۋ باعاسىن تابلوعا شىعارىپ تۇرادى»، - دەپ اتاپ ءوتتى ول.

قازاقستاندا حالىققا ارنالعان باعالى مەتالدار نارىعىندا التىن جانە كۇمىستەن جاسالعان مونەتالار جانە جاڭا ءونىم التىن قۇيمالار بار. اقىشەۆتىڭ ايتۋىنشا، مونەتا شىعارماشىلىق قۇندىلىعى تۇرعىسىنان تارتىمدى، نۋميزماتتار ءۇشىن قىزىقتى. ونى جيناۋعا بولادى.

«التىن قۇيما ادامنىڭ باعالى مەتالدى جيناعىسى كەلەتىندىگىن ەسكەرە وتىرىپ جاسالدى، تيىسىنشە ءبىز التىن قۇيمالار باعدارلاماسىن ىسكە قوستىق»، - دەپ حابارلادى ول.

ۇلتتىق بانك باسشىسىنىڭ پىكىرى بويىنشا، قۇنى ميلليون تەڭگەدەن اساتىن 100 گرامدىق قۇيما حالىق ءۇشىن بارىنشا قىمبات ءونىم بولىپ تابىلادى. ءبىراق وعان قاراماستان، 100 گرامدىق قۇيماعا سۇرانىس كوپ. قازىرگى كەزدە ۇلتتىق بانك ءۇش ايدا 900 گە جۋىق قۇيما نەمەسە 24-25 كەلى التىن ساتتى.

«استاناعا جانە الماتىعا قاراعاندا كەيبىر وڭىرلەردە التىن قۇيمالارعا قىزىعۋشىلىق جوعارى. مىسالى، وسكەمەندە ۇلكەن سەرپىن بايقالادى، ول جاقتا ونەركاسىپ كاسىپورىندارى كوپ جانە حالىق مەتالداردى جاقسى بىلەدى»، - دەدى ول.

اۆتور: گۇلميرا عوسمانالي