09:23, 20 - قىركۇيەك 2017 | GMT +6
ب ۇ ۇ باس حاتشىسى ادامزاتقا تونگەن قاۋىپتەر تۋرالى ايتتى
استانا. قازاقپارات - جاپپاي قىرىپ-جويۋ قارۋلارىن قولدانۋ، حالىقارالىق تەرروريزم، اسكەري قاقتىعىستاردىڭ كوبەيۋى، كليماتتىڭ وزگەرۋى جانە عىلىمي پروگرەستىڭ كەرى سالدارلارى ادامزات بولاشاعىنا قاۋىپ تۋدىرىپ وتىر.
بۇل تۋرالى ب ۇ ۇ باس اسسامبلەياسىنىڭ 72- سەسسياسىندا باس حاتشى انتونيو گۋتەرريش ايتتى، دەپ حابارلايدى ت ا س س.
«ءبىز جانە ءبىزدىڭ بىرىككەن ۇلتتار ۇيىم قاۋىپتى قۇبىلىستارمەن بەتپە-بەت كەلىپ وتىر»، - دەدى ول.
سەسسيادا ءسوز العان باس حاتشى قاۋىپسىز سالاسىندا جاعدايدىڭ الاڭداۋشىلىق تۋدىرىپ وتىرعاندىعىن دا باس ايتتى. «ادامدار اراسىندا تەڭسىزدىك، ساياسي داۋلاردىڭ ۋشىعۋى، كليماتتىڭ وزگەرۋى ادامزات بولاشاعىنا قاۋىپ تۋدىرۋدا»، - دەدى انتونيو گۋتەرريش باس حاتشى سولتۇستىك كورەياداعى جاعدايدى ايتا كەلىپ، جاپپاي قىرىپ-جويۋ قارۋلارىن قولدانۋ مەن تەرروريزم ادامزات ءۇشىن قاۋىپتەردىڭ ەڭ باسىندا تۇرعاندىعىن جەتكىزدى.
