رۇستەم نۇرجىگىت: كەڭەس وداعى كەزىندە اجىراسۋ ۇيات بولاتىن

استانا. قازاقپارات - رۇستەم نۇرجىگىت ەرلى- زايىپتىلاردىڭ قوعامداعى ەركىندىككە بولا اجىراسىپ جاتقاندارىن ءسوز ەتتى.

كەڭەس زامانى بولسا، مۇنداي اجىراسۋلاردىڭ از بولاتىندىعىن ايتىپ جاتىر.

«اجىراسۋ كوبەيىپ كەتتى دەۋ دۇرىس ەمەس. مىسالى، كەڭەس وداعى كەزىندە اجىراسۋ دەگەن ۇيات نارسە بولاتىن. قوعام اجىراسۋ دەگەن نارسەنى بولدىرتپاۋعا تىرىساتىن. قازىر ەركىندىك بار. جاستار بىردەن اجىراسۋعا دايىن تۇرادى»، - دەيدى رۇستەم نۇرجىگىت.

ال «جىگىتتەر» توبىنىڭ پروديۋسەرى ەرعالي ءابدىرايىموۆ ونەر ادامدارىنىڭ قانداي جاعداي بولماسىن اجىراسپاۋلارىن قۇپتايتىنىن ءسوز ەتتى. «ونەر ادامدارىنىڭ ومىرىندە ءارتۇرلى جاعدايلار بولىپ جاتىر. بالكىم جاستار بىرنارسەگە كەلىسپەگەن شىعار، بالكىم ءبىر- بىرىنە ءالى سىڭىسپەگەن شىعار. ءبىر-ەكى جىل ىشىندە ادامدى تولىق ءتۇسىنىپ، ءبىلۋ قيىن. وتباسى بولعان سوڭ، اسەلىمەن، كۇيەۋىمەن قىزىقتى بىرگە كورۋلەرى كەرەك. حالىقتىڭ الدىندا جۇرگەن ادامدار اجىراسپاسا ەكەن دەگەن ءوزىمنىڭ تىلەگىم بار»، - دەيدى ول.

ءانشى دانا ماحانبايەۆا جاستاردىڭ اجىراسۋىن الەۋمەتتىك- تۇرمىستىق جاعدايدىڭ تومەندىگىمەن بايلانىستىردى. «اجىراسۋعا %90 جاعدايدا الەۋمەتتىك جاعداي سەبەپشى. كوبىسى الەۋمەتتىك- تۇرمىستىق جاعدايدىڭ تومەندەگىنە شىداي المايدى. ونىڭ ۇستىنە كوپ جاس وتباسىندا باسپانا بولمايدى. ءبىرىنشى سەبەپ وسى دەپ ويلايمىن. قازىرگى جاستارعا شىدام دەگەن نارسە وتە كەرەك»، - دەيدى ول.