قايىرىمدى قازاق ستۋدەنتى قىتايلىقتاردىڭ العىسىن الدى
دەپ حابارلايدى «قازاقپارات» ح ا ا قىتايداعى مەنشىكتى ءتىلشىسى.
«12 - قىركۇيەك كۇنى بەيجىڭ مەتروسىنىڭ «الەمنىڭ باتىس قاقپاسى» ستانساسىندا 84 جاستاعى قاريا ەسىنەن تانىپ قالعان. سيۋانۋ كلينيكاسىنا تاعىلىمدامادان وتۋگە كەلگەن قازاقستاندىق ستۋدەنت عالىمجان يسابەكوۆ قارياعا بىردەن جەدەل كومەك كورسەتكەن. ول تىنىس الماي جاتقان قارياعا جاساندى تىنىس جاساپ، ءتيىستى كومەكتەردى كورسەتىپ، جەدەل جاردەم كەلگەننە دەيىن ەسىن جيناتقان»، دەپ جازادى «بەيجىڭ تاڭى» گازەتى.
سونىمەن قاتار ۋيشين الەۋمەتتىك جەلىسى ارقىلى 27 جاستاعى قازاقستاندىق ستۋدەنتكە ولىمنەن قالعان قاريانىڭ قىزى العىس ءبىلدىرىپ، جازبا قالدىردى. بۇعان قىتايلىق پايدالانۋشىلار باسىم بولىگى پىكىر بىلدىرگەن. «ۇلتى مەن ازاماتتىعىنا قاراماستان قايىرىمدىلىق جاسادىڭ، جاقسىلىقتىڭ شەگى جوق ەكەنىن دالەلدەدىڭ، سەن پەرىشتەسىڭ»، «شەتەلدىك جاستار مەن دارىگەرلەرگە زور العىس»، «قايىرىمدىلىقتا شەك جوق، ستۋدەنتكە العىس» دەگەن سياقتى كوپتەگەن پىكىرلەر قالدىرىلعان.
