قۇمار اقساقالوۆ كىرىس اكەلەتىن داقىلداردى ەگۋگە كەڭەس بەردى
مەكتەپ 200 وقۋشىعا ارنالعان، الايدا، قازىر مۇندا 71 بالا ءبىلىم الىپ جاتىر. بيىلعى جىلى ءبىرىنشى سىنىپقا 8 بالا باردى. مەكتەپ جانىندا مەكتەپكە دەيىنگى دايارلىق توبى جۇمىس ىستەيدى. وبلىس اكىمى اۋىل تۇرعىندارىمەن كەزدەستى. قۇمار اقساقالوۆ كەزدەسۋدى جەرگىلىكتى بيلىكتىڭ اۋىل شارۋشالىعى ونىمدەرىن وندىرۋشىلەرمەن بىرلەسىپ تۇرعىندار ءومىرىنىڭ ساپاسىن جاقسارتۋى ماسەلەسىنەن باستادى.
«اتقارۋشى بيلىك پەن اۋىلشارۋاشىلىعى ءونىمىن وندىرۋشىلەر بىرلەسىپ اۋىل تۇرعىندارىنىڭ تابىسىن ارتتىرۋى ءتيىس. بۇل باستى ماسەلە. قازىر ءبىز نە ىستەي الدىق جانە الدا قانداي ىستەر اتقارۋىمىز كەرەكتىگىن ساراپقا سالامىز»، - دەدى ايماق باسشىسى.
ودان كەيىن قۇمار اقساقالوۆ موسكۆورەتسكي اۋىلدىق وكرۋگىندە بولدى. ءبىرىنشى كەزەكتە وبلىس اكىمى موسكۆورەتسكي اۋىلىنداعى الەۋمەتتىك ماڭىزى بار نىساندارمەن تانىستى. قازىرگى ۋاقىتتا ەلدىمەكەندە ءدامحانا قۇرىلىسى اياقتالىپ، جاڭا ۇيلەر سالىنىپ جاتىر. قۇمار اقساقالوۆ موسكۆورەتسكي ورتا مەكتەبىنىڭ ماتەريالدىق- تەحنيكالىق بازاسىمەن تانىستى. مەكتەپ ديرەكتورى قايىرگەلدى قوجيننىڭ ايتۋىنشا، مۇندا 22 پەداگوگ جۇمىس ىستەيدى، ولاردىڭ 8- ءى جوعارى ساناتتى. جاڭا وقۋ جىلى قارساڭىندا 4 مۋلتيمەديالىق كابينەت جابدىقتالدى. قازىر 220 ورىندىق وقۋ مەكەمەسىندە 67 بالا وقىپ جاتىر. ايماق باسشىسىنىڭ اۋىل تۇرعىندارىمەن كەزدەسۋى بارىسىندا اۋىل اكىمى سۆەتلانا سوبوليەۆسكايا ءسوز الدى. كەزدەسۋدى اياقتاعان سولتۇستىك قازاقستان وبلىسىنىڭ اكىمى قۇمار اقساقالوۆ ءىسساپارىنىڭ قورىتىندىسىن شىعاردى.
«ەگىس القاپتارىن ءارتاراپتاندىرۋ قاجەت، دەمەك كىرىس اكەلەتىن ونىمدەردى ءوسىرۋدى قولعا الاتىن كەز كەلدى. قازىرگى ۋاقىتتا بيدايدىڭ تونناسى 43 مىڭ تەڭگە تۇرادى، راپس - 120 مىڭ تەڭگە، كۇنباعىس - 90 مىڭ تەڭگە، ال، جاسىمىق - 200 مىڭ تەڭگە. وسى داقىلداردى وسىرە وتىرىپ، تيىمدىلىككە قول جەتكىزىپ، تۇرعىندارعا لايىقتى ەڭبەكاقى تولەپ، ءۇي جانە باسقا دا نىساندار تۇرعىزۋعا بولادى»، - دەدى ايماق باسشىسى.
