دارحان مىڭباي: «قازاقپارات» لاتىندى قولدانۋدا كۇنى بۇرىن ارەكەت ەتە ءبىلدى

«اشىعىن ايتۋ كەرەك، قازىردىڭ وزىندە ءبىز لاتىن ءالىپبيىن كۇندەلىكتى ومىردە دە كەڭىنەن قولدانىپ كەلەمىز. ماسەلەن، سان الۋان قىزمەتتەردەن تۇسەتىن حابارلامالار لاتىن قارپىندە كەلەدى. «قازاقپارات» سايتىنىڭ لاتىن گرافيكاسىمەن جاڭالىق تاراتىپ جاتقانىنا ءبىراز جىل بولدى. قازاقستان حالقى اسسامبلەياسىنىڭ سايتى دا سولاي. شەتەلدە وقىپ جۇرگەن بالالارىمىز دا ستاندارتتى پەرنەتاقتانى قولدانىپ، لاتىنشا حات جازىپ وتىرادى. لاتىندى مەديتسينادا دا كەڭ قولدانادى. جول بەلگىلەرى، كولىك نومىرلەرى، جەكە ءتولقۇجاتتار - ءبارى- ءبارى لاتىنعا نەگىزدەلگەن»، - دەپ اتاپ كورسەتتى مىڭباي بۇگىن ۇيىمنىڭ عىلىمي- ساراپشىلىق كەڭەسىنىڭ كەڭەيتىلگەن وتىرىسىندا.
ونىڭ ايتۋىنشا، لاتىن ءالىپبيىنىڭ ءبىرىڭعاي ستاندارتىن لاتىنداندىرۋ ۇدەرىسىن ءبىر جۇيەگە كەلتىرىپ، قازاق حالقىنىڭ جاھاندىق كوممۋنيكاتسياسىن كۇشەيتە تۇسەدى. ال، ەڭ باستىسى، جاڭا يننوۆاتسيالارعا، تىڭ عىلىمي زەرتتەۋلەرگە جول اشىلادى.
ايتا كەتەيىك، ق ر پارلامەنت ماجىلىسىندە وتكەن تىڭداۋدا لاتىن ءالىپبيىنىڭ ءبىرىڭعاي نۇسقاسى تانىستىرىلدى. قازاق ءتىلىنىڭ جاڭا ءالىپبي جوباسى «ءبىر ءارىپ - ءبىر دىبىس»، «ءبىر ءارىپ - ەكى دىبىس» جانە «ءبىر دىبىس» پرينتسيپىنە نەگىزدەلگەن. 25 تاڭبالى الفاۆيتتەن بولەك 8 ديگراف بار.
اۆتور: ارمان اسقاروۆ