قازاق كۇرەسى تۇڭعىش رەت ازيا ويىندارىنىڭ باعدارلاماسىنا ەنگىزىلدى

استانا. قازاقپارات - بالۋاندارىمىز تۇڭعىش رەت قازاق كۇرەسىنەن جابىق ازيا ويىندارىندا ونەر كورسەتەدى، دەپ حابارلايدى قازاقپارات ءتىلشىسى.
None
None

تۇركمەنستاننىڭ استاناسى اشحابادتا 17-27- قىركۇيەك ارالىعىندا وتەتىن V جابىق ازيا ويىندارىندا قازاق كۇرەسىنەن ءۇش سالماق دارەجەسىندە بالۋاندارىمىز ەل نامىسىن قورعايدى.

ولار: قاسىمحان تۇلەنبايەۆ (70 ك گ)، ءادىلجان ىستىبايەۆ (90 كەلى) جانە ايبەك نۇعىماروۆ (+90 ك گ).

وسى ورايدا ايتا كەتەيىك، ءتول كۇرەسىمىزدى وسى جارىسقا قوسۋ ماسەلەسى وتكەن جىلى تۇركيانىڭ ىستانبۇل قالاسىندا كۇرەس تۇرلەرى جونىندە وتكەن فورۋمدا شەشىلگەن بولاتىن.

ال بيىل بۇكىل الەمدىك كۇرەس وداعىنىڭ (United World Wrestling) پرەزيدەنتى نەناد لالوۆيچ پەن ازيا وليمپيادا كەڭەسىنىڭ پرەزيدەنتى شەيح احمەد ءال-فاحاد ءال-احمەت ءال-ساباح ۇلتتىق كۇرەسىمىزدى 2017-جىلعى ازيا ويىندارىنىڭ باعدارلاماسىنا ەنگىزۋ كەلىسىمىنە قول قويدى.

اۆتور: كۇنسۇلتان وتارباي

سوڭعى جاڭالىقتار