عالىمدار ادامدى باقىتتى ەتەتىن ءۇش نارسەنىڭ نە ەكەنىن اتادى

استانا. قازاقپارات - اۆسترالياداعى ديكين ۋنيۆەرسيتەتىنىڭ عالىمدارى ادام باقىتتى بولۋى ءۇشىن وعان ءۇش نارسە كەرەك ەكەندىگىن ايتادى.

بۇل تۋرالى The Times of India باسىلىمى حابارلايدى.

پسيحولوگ روبەرت كامينس ادام بالاسىنىڭ باقىتسىزدىعىنا ونىڭ ۇلتى، پەرزەنتىنىڭ جوقتىعى، تۇراتىن جەرىنىڭ اسەر ەتە المايتىنىن ايتادى. ال كەرىسىنشە ادامدى باقىتقا بولەيتىن التىن ۇشتىككە تومەندەگىلەر كىرىپ وتىر.

اسەر ەتۋشى فاكتورلاردىڭ ءبىرى اقشا. پروفەسسوردىڭ ايتۋىنشا، قاجەتتى اقشا مولشەرى تۇرعىلىقتى جەر مەن بالا سانىنا بايلانىستى. جالپى ورتاشا ەسەپپەن ءار ادامعا ءبىر جىلدا 100 مىڭ دوللار قاجەت بولۋى مۇمكىن. كەلەسى ەلەمەنت - سۇيىكتى ادامىڭنىڭ بولۋى. جەكە ءومىردىڭ اقشاعا قاراعاندا ماڭىزى زور. سەبەبى، ول بەرەكە مەن تىرەك سەزىمىن سەزىنۋگە مۇمكىندىك بەرەدى.

«ومىرىڭىزدەگى قۋانىشتى ساتتەردى ءبولىسۋ ءۇشىن سىزگە ءبىر عانا ادام قاجەت. ال مۇنداي قولداۋى جوق ادامدار قيىندىققا توتەپ بەرە المايدى»، - دەيدى كاممينس. باقىتتىڭ كىلتى دەنساۋلىقتا دەپ ايتۋ قيىن. دەسە دە، ادامنىڭ سوزىلمالى اۋرۋلارعا شالدىقپاۋىنىڭ ماڭىزى زور.