كوكشەتاۋ «گاككۋلەتكەن، اققۋ جەتكەن كوكشەتاۋ» فەستيۆالىندە ءداستۇرلى اندەر شىرقالدى
«تۋعان جەر - تۋعان ەل» بازالىق باعدارلاماسىن جۇزەگە اسىرۋ جانە «ەكسپو-2017» حالىقارالىق مامانداندىرىلعان كورمەسى شەڭبەرىندە ۇكىلى ىبىراي اتىنداعى اقمولا وبلىستىق فيلارمونياسىندا ۇيىمداستىرىلعان مۋزىكالىق فورۋمعا وڭىردەگى ەڭ مىقتى دەگەن ءداستۇرلى انشىلەرى قاتىسىپ، ونەرلەرىن ورتاعا سالدى.
ەسكە سالا كەتەيىك، 2 كۇن بويى وتكەن فەستيۆالدىڭ العاشقى كۇنى ءداستۇرلى انشىلەر ۇكىلى ىبىرايدىڭ ەلى ايىرتاۋ اۋدانىنىڭ مادەنيەت ۇيىندە ورىنداۋ شەبەرلىكتەرىن كورسەتسە، بۇگىن اقىننىڭ شىعارماشىلىعىنا ارنالعان 2- ءوڭىرارالىق فەستيۆالىنە جالعاستى.
شاراعا اقمولا وبلىسى مادەنيەت باسقارماسىنىڭ باسشىسى ساۋلە بورىبايەۆا، ش. ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ فيلولوگيا عىلىمدارىنىڭ كانديداتى، پروفەسسور ءسابيت جامبەك، تاريحشى، پۋبليتسيست، پەداگوگ اليا احەتوۆا، اقمولا وبلىستىق فيلارمونياسىنىڭ ءداستۇرلى ءانشىسى سارسەنباي حاسەنوۆ جانە ۇكىلى ىبىرايدىڭ تىكەلەي ءۇشىنشى ۇرپاعى بەركىمبەك زاراپ ۇلى قاتىسىپ، تۇشىمدى ويلارىمەن ءبولىستى.
شارا جەرگىلىكتى ءداستۇرلى انشىلەردىڭ قاتىسۋىمەن گالا-كونسەرتكە ۇلاستى.
