حالىقتىڭ سيفرلىق ساۋاتتىلىعىن كوتەرۋ قاجەت - نۇرسۇلتان نازاربايەۆ
«سيفرلىق ەكونوميكا ءۇشىن تەحنيكالىق ساۋاتتىلىقتىڭ بولۋى وتە ماڭىزدى. بۇل تۇرعىدا ادامداردىڭ داعىسىن كوتەرۋ قاجەت. كوپشىلىك ءبىز ەنگىزبەكشى بولىپ وتىرعان تەحنولوگيالاردى پايدالانۋدى بىلمەيدى، ولارعا سونى ۇيرەتۋ قاجەت. سمارتفوندى قالاي پايدالانۋ كەرەكتىگىن دە ۇيرەتكەن ابزال. سوندىقتان بىزدە اتقاراتىن جۇمىستار وتە كوپ جانە ونى ءارى ءجيى ايتىپ، ناسيحاتتاۋىمىز كەرەك»، - دەدى نۇرسۇلتان نازاربايەۆ.
سونىمەن قاتار ەلباسى مەكتەپ وقۋشىلارىنان باستاپ زەينەتكەرلەرگە دەيىن قايتا قولىنا كىتاپ العىزىپ، بۇعان دەيىن وقىتىلماعان دۇنيەلەردى مەڭگەرۋگە كۇش سالۋى تيىستىگىن باسا ايتتى. «مەنىڭ بۋىنىمنىڭ، ءتىپتى ورتا بۋىننىڭ (سيفرلاندىرۋ جايىندا) مۇلدەم تۇسىنىگى بولعان ەمەس. بارلىعى دا زامان كوشىنە لەسۋى كەرەك. ءبىلىم پرينتسيپى بۇكىل ءومىر بويعى قاجەتتىلىك، نورماعا اينالدى. ءبىر كەزدەرى ۋنيۆەرسيتەتتى ءبىتىردىڭ، ديپلوم قالتادا دەپ جۇرە بەرەتىن دە ۋاقىت بولعان. قازىر ونداي ۋاقىت كەلمەسكە كەتتى. ادام تابيعاتىنان بەيىمدەلگىش. اسىرەسە قازاقستاندىقتار زامانعا بەيىمدەلگىش دەپ ەسەپتەيمىن. بارلىعى قازاقستاندىقتاردىڭ ماتەماتيكا مەن فيزيكادان مۇمكىندىكتەرى جوعارى ەكەندىگىن اتاپ ايتۋدا. وعان دالەل كوپتەگەن وتانداستارىمىز حالىقارالىق وليمپيادالاردا جەڭىسكە جەتۋى»، - دەدى قازاقستان پرەزيدەنتى.
اۆتور: مارلان جيەمباي
