ۇلتتىق بانك: تەڭگەنىڭ السىرەۋىنە نەگىزسىز بولجامدار سەبەپ بولىپ وتىر

استانا. قازاقپارات - بەنزين باعاسىنىڭ قۇبىلۋىنا رەسەي ءرۋبلىنىڭ دە اسەرى بولۋى مۇمكىن. كەشە رۋبلدىڭ دوللارعا شاققانداعى قۇنى ءبىراز السىرەسە، ال تەڭگەگە شاققاندا ءبىرشاما نىعايدى.

بۇل تۋرالى ك ت ك حابارلايدى.

ۇلتتىق ۆاليۋتا ەكىنشى كۇن قاتارىنان ۇتىلىپ وتىر. ال ساراپشىلار بولسا «يرما» داۋىلىنىڭ پايدا بولۋى دا مۇنايعا دەگەن سۇرانىسقا اسەر ەتكەن كورىنەدى.

تەڭگەنى نىعايتۋ ءۇشىن ۇلتتىق بانك تامىز بەن قىركۇيەكتە دوللار ساتقان ەدى. دەگەنمەن تەڭگەنىڭ قۇلدىراپ كەتۋىنە باس بانكير ساراپشىلاردى كىنالايدى. اقىشەۆتىڭ ايتۋىنشا، ولاردىڭ دەۆالۆاتسيا تۋرالى بولجامدارى تەڭگەنىڭ قۇنسىزدانۋىنا سوقتىرىپ وتىر.

«ەكسپو حالىقارالىق كورمەسى اياقتالعاننان كەيىن نەمەسە رەسەيگە سالىنعان سانكتسيالاردان سوڭ تەڭگە ديەۆالۆاتسياعا ۇشىرادى دەگەن بولجامدار كوبەيىپ كەتتى. نارىقتاعى تۇراقسىزدىققا قۇمار ادامدار وسىنداي وسەك تۋدىرىپ وتىر»، - دەيدى ق ر ۇلتتىق بانكىنىڭ ءتوراعاسى دانيار اقىشەۆ.