نۇرسۇلتان نازاربايەۆ كىمدەرگە قىزىعاتىنىن ايتتى

استانا. قازاقپارات - سيفرلاندىرۋ بارىسىندا اقشا «جەلگە» ۇشپاۋى ءتيىس.

بۇل تۋرالى سيفرلاندىرۋ ماسەلەسىنە ارنالعان رەسپۋبليكالىق كەڭەستە ەلباسى نۇرسۇلتان نازاربايەۆ ايتتى، دەپ حابارلايدى قازاقپارات.

«سول ءبىر قيىن كۇندەردە، قازىنادا ءتىپتى اقشا بولماعان كەزدە جاستاردى مەملەكەتتىڭ قاراجاتى ەسەبىنەن الەمنىڭ 200 ۇزدىك ۋنيۆەرسيتەتتەرىندە ءبىلىم الۋعا جىبەردىم. ولاردىڭ ءارقايسىنا مەملەكەت جولىنا، تۇرعىلىقتى جەرىنە، مەديتسينالىق قىزمەتتەرى مەن ءبىلىم الۋىنا 100 پايىز تولەم جاسادىق. ءبىز شامامەن 15 مىڭ جاستى وقىتتىق. بۇل اتا-انالار ءۇشىن جاقسى ۇلگى بولدى. ولار بالالارىن وقۋعا جىبەرە باستادى. ويتكەنى ەلگە ورالعا جاستاردىڭ دەڭگەيلەرى قانداي ەكەندىگىن كوردى. شامامەن 25 مىڭ جاس اتا-انالارىنىڭ ەسەبىنەن ءبىلىم الۋدا. مىنە، بۇگىنگى كۇنگە دەيىن كادرلاردى وسىلاي دايىندادىق. سول كەزدە ءبىلىمدى ادامدارسىز عىلىم مەن ءوندىرىستى ىلگەرىلەتۋ مۇمكىن ەمەستىگىن ءبىلدىم. ەشتەڭە دە بولمايدى. ەندىگى ۋاقىتتا 100 پايىز بولماسا دا ولار بار»، - دەدى قازاقستان پرەزيدەنتى.

سونىمەن قاتار ەلباسى قازاقستان ۇكىمەتىنىڭ تاياۋدا جاڭا قۇرامىن تاعايىنداعانىن، ولاردىڭ باسىم بولىگى جاستار ەكەندىگىن ايتتى.

«ورتاشا جاستارى 40 پەن 45 جاس ارالىعىندا. ەڭ جاسى 36 دا. ەڭ ۇلكەنى 50 جاستا. ولاردىڭ بارلىعى اعىلشىن ءتىلدى، ءبىلىمدى، باتىستىڭ ۋنيۆەرسيتەتتەرىندە ءبىلىم العان. مىنە، بارلىقتارىڭىزدىڭ قولدارىڭىزعا كارتا بەرىلىپ وتىر. كورسەتىڭىزدەر مۇمكىندىكتەرىڭىزدى، مەن سىزدەرگە قىزىعا قارايمىن. كەزىندە سەندەردەي جاسىمدا مەندە مۇنداي مۇمكىندىكتەر بولعان ەمەس. وقىعان ازاماتتار وتاندارى ءۇشىن قانداي ۇلكەن پروبلەمانى شەشەتىندىكتەرىن ءبىلۋى قاجەت»، - دەدى مەملەكەت باسشىسى.

اۆتور: مارلان جيەمباي