لاتىن الىپبيىندەگى قازاق ءتىلىنىڭ ارىپتەرى نەگە ازايدى
الايدا ونىمەن قازاق تىلىندەگى ارىپتەر ازايىپ وتىر دەۋگە بولمايدى. بۇل تۋرالى شايسۇلتان شاياحمەتوۆ اتىنداعى تىلدەردى دامىتۋدىڭ رەسپۋبليكالىق ورتالىعىنىڭ ديرەكتورى ەربول تىلەشوۆ ءمالىم ەتتى، دەپ حابارلايدى قازاقپارات ءتىلشىسى.
«بۇل جەردە تاڭبانى ەمەس، دىبىستى ساناۋ قاجەت. لاتىن نۇسقاسىندا ءبىز قازاق ءتىلىنىڭ بارلىق دىبىستارىن قامتىدىق پا؟ وسىنى ويلاۋىمىز ءلازىم. 42 ءارىپ - ول قولدان جاسالعان الفاۆيت. مىسالى، اعىلشىن ءتىلىن الايىق، ولاردا 44 دىبىستى 26 تاڭبامەن جەتكىزەدى. ءبىز بولساق، كەرىسىنشە، 28 دىبىستى 42 ارىپپەن بەرىپ وتىرمىز. ول دۇرىس ەمەس. ەڭ باستىسى، دىبىستى جوعالتپاۋ قاجەت. ال ءارىپتىڭ سانىندا تۇرعان ەشتەڭە جوق»، - دەيدى ەربول تىلەشوۆ بۇگىن استانادا وتكەن باسپا ءسوز ءماسليحاتىندا.
ونىڭ ايتۋىنشا، «يا» مەن «يۋ» دىبىستارى قازاق تىلىندە، ءتىپتى ورىس تىلىندە دە جوق. ونى «يا» مەن «يۋ» دەپ بەلگىلەيدى. ونداي بولسا، ارىپتەردى ۇستاۋدىڭ ەشبىر قاجەتتىلىگى جوق. سول سياقتى «يا» مەن «يۋ» دىبىستارى قازاق تىلىندە مۇلدەم بولماعان.
سەبەبى سينگارمونيزم زاڭى بويىنشا جىڭىشكەلىك مەن جۋاندىق بۋىنمەن انىقتالادى. «ءبىز لاتىن نۇسقاسىنداعى 25 تاڭبانى اسپاننان العان جوقپىز. بۇل - ۇزاق جۇمىستىڭ ناتيجەسى. ال 8 ديگرافپەن ءبىز لاتىن قارپى ارقىلى قازاق ءتىلىنىڭ قوسىمشا دىبىستارىن جەتكىزىپ وتىرمىز. ءبىر نارسەنى ۇعىپ الۋ قاجەت، ءبىز الدىمەن قازاق ءتىلىنىڭ بارلىق دىبىستىق جۇيەسىن قامتۋىمىز قاجەت. لاتىن ءالىپبيىنىڭ قازىرگى نۇسقاسى وسى ماقساتقا تولىعىمەن جاۋاپ بەرىپ وتىر»، - دەپ اتاپ كورسەتتى تىلەشوۆ.
ايتا كەتەيىك، كەشە قر پارلامەنت ماجىلىسىندە وتكەن تىڭداۋدا لاتىن ءالىپبيىنىڭ ءبىرىڭعاي نۇسقاسى تانىستىرىلدى.
