ساعىنتايەۆ كۇزگى جيىن-تەرىم جۇمىستارىن قاتاڭ باقىلاۋدى تاپسىردى
«باقىتجان ءابدىر ۇلى، جاڭا باياندامادا ايتىلعانداي، بيىلعى جىلدىڭ ەگىن وراعىنىڭ قارقىنى وتە جوعارى. سوندىقتان وسى قارقىندى جوعالتپاي قالعان ەگىستىك القاپتى دەر كەزىندە اياقتاۋ باستى ماسەلە. قازىرگى تاڭدا ءتيىستى جۇمىستار اياقتالىپ جاتىر. شەشىلمەگەن ماسەلە جوق. تەك ەگىن وراعىن ويداعىداي اياقتاۋ ماسەلەسى عانا قالدى»، - دەدى اسقار مىرزاحمەتوۆ ۇكىمەت باسشىسىنا قاراتا.
«جاقسى ونداي بولسا، وسى ماسەلەنى باقىلاۋعا الىڭىز. ەگىن وراعى اياقتالعاننان كەيىن اتقارىلعان جۇمىستىڭ قورىتىندىسىن قارايتىن بولامىز»، - دەدى باقىتجان ساعىنتايەۆ.
وتىرىس بارىسىندا ۇكىمەت باسشىسى ەلىمىزدىڭ ەنەرگەتيكا ءمينيسترى قانات بوزىمبايەۆتان ديقانداردى ديزەل وتىنىمەن قامتاماسىز ەتۋ ماسەلەسىن دە سۇرادى.
«جانار-جاعارماي بويىنشا بارلىق جۇمىس جوسپارعا ساي جۇرگىزىلۋدە. ەگەر استىق جيناۋدىڭ كۇزگى كەزەڭىن الاتىن بولساق، وندا جوسپاردىڭ 56 پايىزى، ياعني ديزەل وتىنىڭ 393 مىڭ تونناسىنىڭ 222 تونناسى جونەلتىلدى. تولىقتاي العاندا جوسپاردىڭ ورىندالۋى شامامەن 80 پايىزدى قۇرايدى. قاجەتتى كولەمدى جەتكىزۋگە دايىنبىز دەپ ويلايمىن»، - دەدى قانات بوزىمبايەۆ ق ر پرەمەر-مينيسترىنە بەرگەن جاۋابىندا.
اۆتور: مارلان جيەمباي
