08:49, 12 - قىركۇيەك 2017 | GMT +6
قانات يسلام مەن جانقوش تۇراروۆ جاڭا رەيتينگىندە ءوز ورىندارىن ساقتاپ قالدى
استانا. قازاقپارات - IBF تۇجىرىمى بويىنشا الەم بوكسشىلارى رەيتينگىنىڭ جاڭارتىلعان نۇسقاسى جاريالاندى، دەپ حابارلايدى Sports.kz.
قازاقستاندىق بوكسشىلار قانات يسلام مەن جانقوش تۇراروۆ تىزىمدە ءوز ورىندارىن وزگەرتكەن جوق - يسلام ءبىرىنشى ورتا سالماقتاعى رەيتينگتە ءۇشىنشى، ال تۇراروۆ - جارتىلاي ورتا سالماقتاعى توپ-15 تە 12-ورىندا قالدى.
ايتا كەتەيىك، رەيتينگ تامىز ايىنداعى ناتيجە بويىنشا جاريالانعان جانە يسلام مەن تۇراروۆتىڭ 9- قىركۇيەكتەگى ايقاستارىنىڭ جەڭىستەرىن ەسەپكە الماعان.
ءبىزدىڭ بوكسشىلاردىڭ پوزيتسيالارى كەلەسى ايداعى رەليزدە وزگەرۋى مۇمكىن. ەسكە سالايىق، سەنبى كۇنى استانادا بوكس كەشى ءوتتى. ونىڭ اياسىندا قانات يسلام تەحنيكالىق نوكاۋتپەن كانادالىق برەندون كۋكتى جەڭسە، جانقوش تۇراروۆ سۋديالاردىڭ ءبىراۋىزدان شەشىمىمەن ارگەنتينالىق برۋنو لەوناردو رومەيادان باسىم ءتۇستى.
