شياڭگاڭدا وتكەن كورمەدە قىمىز ۇزدىك ورگانيكالىق ءونىم اتاندى
ناقتىراق ايتساق، پاۆلودارلىق كاسىپكەرلەر اپارعان ۇلتتىق سۋسىنىمىز «الەمدىك دەڭگەيدەگى ۇزدىك ورگانيكالىق ءونىم-2017» نوميناتسياسىن جەڭىپ الدى.
ساراپشىلار جىلقىنىڭ قۇرعاق سۇتىمەن قىمىزىن جوعارى باعالاعان. بايقاۋدا توپ جارعان بۇل ونىمدەردى پاۆلودارداعى قىمىز شارۋاشىلىعى مەن ءسۇت وڭدەۋ كاسىپورنىندا بىرلەسىپ ازىرلەيدى. ەكى ءجۇز ليتر جىلقى سۇتىنەن 20 كەلى قۇرعاق ءسۇت الىنادى. تابيعي ءونىمنىڭ ساپاسى 10 جىلعا دەيىن جويىلمايدى. ۇنتاق قىمىزدى بيولوگيالىق بەلسەندى قوسپا، كوسمەتيكالىق زات، ءتىپتى دارۋمەن رەتىندە دە قولدانۋعا بولادى.
ساتبەك مۋكين، شارۋا قوجالىق يەسى:
- وسىنداي ۇلكەن دارەجەگە جەتىپ وتىرمىز. ءونىمىمىز گونكونگقا بارىپ، دۇنيەجۇزىلىك كورمەدە ءبىرىنشى ورىن الىپ وتىرعانىمىزعا ريزامىز.
ولەگ تولماچيەۆ، سەرىكتەستىك ديرەكتورى:
- وسىنشاما كاسىپكەردىڭ باسىن قوسقان بايقاۋدا تەك 7 جۇلدەلى ورىن قاراستىرىلعان ەكەن. سونىڭ بىرەۋىن ءبىز قازاقستانعا اكەلىپ وتىرمىز. ۇلكەن مارتەبە ءبىز ءۇشىن. جەڭىسىمىز اتا زاڭىمىزدىڭ تۋعان كۇنىمەن تۇسپا- تۇس كەلدى. كوپتەگەن قاتىسۋشىلار قوس مەرەكەمەن قۇتتىقتاپ جاتتى.
www.24.kz
