تىلدىك رەفورمادا اسىعىستىققا جول بەرىلمەۋى كەرەك - ب ع م
«جاڭا گرافيكا بەكىتىلگەن جاعدايدا بارلىق ءبىلىم بەرۋ مەكەمەلەرىندە جاڭا جازبانى ەنگىزۋدىڭ كەستەسىن بەكىتۋدى جوسپارلاپ وتىرمىز. وسىنىڭ بارلىعىن الدىمەن پەداگوگيكالىق، اتا- انالار قوعامداستىعىمەن، سونداي- اق مادەنيەت جانە سپورت، اقپارات جانە كوممۋنيكاتسيالار مينيسترلىكتەرىمەن تالقىلايمىز. بۇل تۇرعىدا قاجەتتى قادامداردى پرەزيدەنت اكىمشىلىگىمەن، ۇكىمەتپەن كەلىسىپ الامىز. سوڭعى شەشىم قابىلداۋ ءۇشىن اتالعان ماسەلە مەن كەستەنى پارلامەنت وتىرىسىنا ەنگىزەمىز»، - دەدى ۆيتسە- مينيستر پارلامەنتتىك تىڭداۋ بارىسىندا.
وسى ورايدا ول الداعى جۇمىستاردا اسىعىستىققا جول بەرىلمەيتىنىن، سوندىقتان بارلىق شارالار بەكىتىلگەن كەستەگە سايكەس جۇرگىزىلەتىنىن جەتكىزدى.
بۇل رەتتە كادرلاردى دايارلاۋ، وقۋلىقتاردى، سوزدىكتەردى باسىپ شىعارۋ جۇمىستارى ەسكەرىلەدى. كەيىننەن جاپپاي تارالىممەن نورماتيۆتىك سوزدىكتەردى، وقۋلىقتاردى، وقۋ- ادىستەمەلىك كىتاپتار كوپشىلىككە ۇسىنىلادى.
«ەڭ باستى ءارى جاۋاپكەرشىلىكتى قاجەت ەتەتىن دايىندىق كەزەڭىن ساپالى اياقتاعاننان كەيىن عانا جاڭا جازبانى ءبىلىم بەرۋدىڭ بارشا مەكەمەسىنە كەڭ اۋقىمدا ەنگىزۋگە كىرىسەمىز. بۇل تۇرعىدا ورىس تىلىندە ءپاندى وقىتۋدا كيريلليتسا قالاتىنىن اتاپ وتكىم كەلەدى. لاتىن قارپى تەك قازاق تىلىنە جانە قازاق تىلىندە وقىتىلاتىن پاندەرگە قاتىستى بولادى»، - دەدى ايماعامبەتوۆ.
اۆتور: رۋسلان عابباسوۆ
