جانقوشتىڭ قارسىلاسىن نەگە قۇلاتا الماعانى بەلگىلى بولدى
ول سول كۇنى جەكپە-جەك بارىسىندا قولىن جاراقاتتاپ العان. بۇل تۋرالى جانقوش ءوزىنىڭ Instagram-داعى پاراقشاسىندا جازدى.
«كەشەگى جەكپە جەك بارىسىندا العان جاراقاتىما بايلانىستى ۋايىمداپ، قالىمدى سۇراپ جاتقان اعايىندارعا راقمەت. اللاعا شۇكىر بارلىعى جاقسى، ءتورتىنشى راۋندتا قارسىلاسىمنىڭ ماڭدايىنا تيگەن سوققىدان كەيىن وڭ قولىمدى اۋىرتىپ الدىم، ارتىنان بەلگىلى بولعانداي ىشىندەگى سۇيەگى شىتىناپ كەتىپتى.
قازىر گيپس سالىپ، ەم قابىلداپ جاتىرمىن. بۇل كاسىپقوي بوكس، رينگتە نەشە ءتۇرلى كۇتپەگەن جاعدايلار ورىن الىپ جاتادى. ەڭ باستىسى سوڭىنا دەيىن ءساتتى اياقتاپ، جەڭىسكە جەتتىك. بۇكىل قولداۋعا كەلگەن جانكۇيەرلەرگە جانە تەلەديداردىڭ ارتىندا ءبىز ءۇشىن ۋايىمداپ وتىرعان قازاق حالقىنا العىسىم شەكسىز. جەڭىستى كۇندەر كوپ بولسىن اعايىن»، - دەپ جازدى ول.
ەستەرىڭىزگە سالا كەتەيىك، 9- قىركۇيەك كۇنى استانادا ەكسپو-2017 مامانداندىرىلعان كورمەسى اياسىندا بوكس كەشى وتكەن بولاتىن. وندا بۇرىن جەڭىلىپ كورمەگەن 9 وتانداسىمىز ونەر بارلىعى قارسىلاستارىن ايقىن باسىمدىلىقپەن ۇتتى.
