ساۋىتبەك ابدراحمانوۆ: الفاۆيت اۋىستىرۋ - ونجىلدىقتارعا عانا ەمەس، عاسىرلارعا ەسەپتەلگەن ءىرى ءىس، تاريحي شەشىم
«ءبىز بۇگىن حالقىمىز ءۇشىن، ۇلتىمىز ءۇشىن، ءتىلىمىز ءۇشىن، ءدىلىمىز ءۇشىن، رۋحىمىز ءۇشىن شىن مانىندە تاريحي ءمانى بار، تاعدىرشەشتى ماسەلەنى قاراستىرىپ وتىرمىز»، - دەپ اتاپ ءوتتى ول.
سونداي-اق، دەپۋتات حالىقتىڭ باسىم بولىگىنىڭ ورتاق ويى قازاق جازۋىن لاتىن الىپبيىنە كوشىرۋ ۋاقىتتىڭ تالابىنا دا، تۋعان ءتىلىمىزدى تىڭنان تۇلەتۋ تالابىنا دا ساي كەلەدى دەگەنگە ساياتىندىعىن ايتتى.
«جاڭا ءالىپبيدى جاساۋ كەزىندە حالقىمىزدىڭ، وزگە ەلدەردىڭ سان عاسىرلىق جازبا تاريحى زەردەلەنگەنى، وعان لاتىن جازۋىنىڭ كلاسسيكالىق ۇلگىسى باسشىلىققا الىنعانى جان- جاقتى ءتۇسىندىرىلۋى، بۇل تاڭداۋدىڭ ەڭ وڭتايلى، ەڭ دۇرىس تاڭداۋ ەكەنىن داۋ تۋعىزباستاي دالەلدەۋ وتە قاجەتتى. ءبىزدىڭ الدىمىزدا تالاي جىلدارعا سوزىلاتىن، جۇيەلى، تاباندى تۇردە جۇرگىزۋدى قاجەت ەتەتىن قيىن جۇمىس تۇر. بويىمىزدا بار ەنجارلىقتان، ەرىنشەكتىكتەن ارىلا بىلسەك، ەرتەڭىمىزدى ويلايتىن ەل ەكەنىمىزدى دالەلدەگىمىز كەلسە، ەلدىگىمىزدى ەڭسەلەندىرگىمىز كەلسە بۇل ىسكە تاۋەكەلىمىز تۇرۋعا ءتيىس. الفاۆيت اۋىستىرۋ الداعى ونجىلدىقتارعا عانا ەمەس، عاسىرلارعا ەسەپتەلگەن ءىرى ءىس، شىن مانىندە تاريحي شەشىم»، - دەدى پارلامەنت ءماجىلىسىنىڭ دەپۋتاتى.
سونداي-اق س. ابدراحمانوۆ جاڭا ءالىپبي ءبىرىنشى كەزەكتە كىم ءۇشىن ماڭىزدى دەگەن سۇراققا توقتالىپ ءوتتى.
«بۇل بالالار ءۇشىن، اسا ماڭىزدى. جازۋىمىزدى جاڭارتىپ، سانامىزدى سىلكىندىرىپ، ەلدىگىمىزدى ەلەگەمىز كەلسە، بۇل ىسكە تاۋەكەلگە بارۋىمىز كەرەك»، - دەپ اتاپ ءوتتى ول.
