سيريا جانجالىن رەتتەۋدەگى ەلباسىنىڭ ءرولى تۋرالى كىتاپ اعىلشىن تىلىندە شىقتى

استانا. قازاقپارات - عىلىم جانە تەحنولوگيالار جونىندەگى يسلام ىنتىماقتاستىق ۇيىمىنىڭ ءبىرىنشى ءسامميتى قارساڭىندا قازاقستان پرەزيدەنتىنىڭ كومەكشىسى نۇرلان وڭجانوۆتىڭ «بىتىمگەر. سيريالىق ءتۇيىن» كىتابى اعىلشىن تىلىندە شىعارىلدى، دەپ حابارلايدى س ءى م باسپا ءسوز قىزمەتى.

كىتاپ سيريالىق جانجالىنا قاتىستى كۇردەلى ماسەلەلەردى رەتتەۋىندەگى پرەزيدەنت نۇرسۇلتان نازاربايەۆتىڭ ۇلەسىنە ارنالعان. اتاپ ايتقاندا، كىتاپتا رەسەي-تۇركيا قاتىناستارىن قالپىنا كەلتىرۋ ۇدەرىسى تۋرالى، سيرياارالىق بايلانىستارىنقالىپتاستىرۋ، سونداي-اق سيريا بويىنشا استانالىق ۇدەرىسىنىڭ باستالۋى تۋرالى باياندالعان.

كىتاپتىڭ اعىلشىن تىلىندەگى نۇسقاسىن بريتاندىق«HerdfordshirePress» باسپا ءۇيى جارىققا شىعاردى. سونىمەن قاتار، ي ى ۇ استانالىق سامميتىنىڭ بارىسىندا ايگىلى رەسەيلىك جازۋشى سەرگەي پلەحانوۆتىڭ اراب تىلىنە اۋدارىلعان «جىبەكتەي ەسىلمەگەن جول» («نە شەلكوۆىي پۋت») اتتى فۋندامەنتالدى ەڭبەگى سامميت قاتىسۋشىلارىنا ۇسىنىلاتىن بولادى («Dar Soual» باسپا ءۇيى، بەيرۋت، ليۆان).

كىتاپ نۇرسۇلتان نازاربايەۆ ءومىرىنىڭ تاريحى، ونىڭ الەمدەگى ەڭ ءىرى ساياساتكەرلەرىنىڭ ءبىرى رەتىندە قالىپتاسۋى تۋرالى باياندايدى. س. پلەحانوۆتىڭ ەڭبەگىندە قازاقستاندىق كوشباسشىنىڭ جاڭا تاۋەلسىز، وركەندەۋشى مەملەكەت سالۋىنا، حالىقارالىق قاۋىپسىزدىكتىڭ نىعايۋىنا قوسقان جەكە زور ۇلەسى تۋرالى جانە زاماناۋي الەمدىك تارتىبىنە تيگىزگەن جاعىمدى ىقپالى جايىنداايتىلادى. ي ى ۇ عىلىم جانە تەحنولوگيالار ءسامميتى استانادا 10-11- قىركۇيەك ارالىعىندا ءوتىپ، «ەكسپو-2017» حالىقارالىق كورمەسىنىڭ جابىلۋىنا ورايلاستىرىلاتىن بولادى.

فورۋمعا 80 گە جۋىق ي ى ۇ مۇشە-مەملەكەتتەرى، باقىلاۋشى ەلدەرى، سونداي-اق حالىقارالىق جانە وڭىرلىك ۇيىمدار دەلەگاتسيالارىنىڭ قاتىسۋى كۇتىلۋدە.