ەرماحان ىبىرايىموۆ: تاۋەلسىز ەل بولماساق، بۇل بوكس كەشى دە بولماس ەدى
«بوكس كەشى وزدەرىڭىز كورگەندەي اسا تارىستى، وتە قىزىقتى ءوتتى. باستى جەكپە-جەك قانات يسلام مەن برەندون كۋكتىڭ اراسىنداعى بۇل بوكس كەشى ەلىمىزدەگى ەڭ مىقتى ايقاستاردىڭ ءبىرى بولىپ تاريح قويناۋىندا ماڭگى ساقتالاتىن بولادى. بارلىق بوكسشىلار تاپسىرمانى ويداعىداي ورىنداپ شىقتى. ەشكىم جانكۇيەرلەرىن جەرگە قاراتقان جوق. بۇل قازاق ەلىنىڭ، ەگەمەندىگىمىزدىڭ ماقتانىشى. وسىنداي تاۋەلسىز ەل بولماساق، بۇل بوكس كەشى دە بولماس ەدى. سوندىقتان ءار قازاق تاۋەلسىزدىكتىڭ قادىرىن ءبىلۋ كەرەك»، - دەدى ىبىرايىموۆ.
سونداي-اق وليمپيادا چەمپيونى استاناداعى بوكس كەشى جاستاردى سپورتقا تارتۋعا ۇلكەن سەپتىگىن تيگىزەتىنىن اتاپ ءوتتى.
«ەلىمىزدە وسىنداي حالىقارالىق دەڭگەيدەگى جارىستار جيى ءوتۋى جاستاردى سپورتقا شاقىرۋعا ۇلكەن كۇش سالادى. قاناتقا ەلىكتەپ جۇرگەن قانشاما قازاق بالاسى بار. بۇگىن ءار قازاق ءوز شاڭىراعىندا وتانداسىنىڭ ونەرىن تاماشالادى. بۇنى كورگەن ءار جاس ەرتەڭ سپورتقا دەگەن قىزىعۋشىلىعى ويانادى. سول ءۇشىن وسىنداي جارىستاردى ەلىمىزدە ءجيى وتكىزۋ كەرەك»، - دەپ اتاپ ءوتتى ول.
ەستەرىڭىزگە سالا كەتەيىك، كەشە استانادا قانات يسلام مەن برەندون كۋك اراسىنداعى بوكس كەشىندە قاناتتان وزگە تاعى سەگىز وتانداسىمىز شارشى الاڭعا شىعىپ، بارلىعى دا قارسىلاستارىن ايقىن باسىمدىلىقپەن ۇتقان بولاتىن.
اۆتور: كۇنسۇلتان وتارباي
