استانادا ي ى ۇ- نىڭ عىلىم جانە تەحنولوگيالار جونىندەگى سامميتى باستالدى

استانا. قازاقپارات - استاناداعى تاۋەلسىزدىك سارايىندا ءبىرقاتار ەلدىڭ مەملەكەت باسشىلارىنىڭ قاتىسۋىمەن يسلام ىنتىماقتاستىق ۇيىمىنىڭ عىلىم جانە تەحنولوگيالار جونىندەگى سامميتىنىڭ جۇمىسى باستالدى.

ءدال قازىرگى ۋاقىتتا ەلباسى نۇرسۇلتان نازاربايەۆ سامميتكە كەلگەن مارتەبەلى مەيمانداردى قارسى الۋدا، دەپ حابارلايدى قازاقپارات.

سامميت بارىسىندا ۇيىمعا قاتىسۋشى ەلدەردەگى عىلىم مەن تەحنولوگيالاردىڭ، يننوۆاتسيالاردىڭ دامۋى باعىتىنداعى ماقساتتار مەن مىندەتتەر ايقىندالادى.

ەسكە سالا كەتەيىك، بۇل سامميتتى وتكىزۋ باستاماسىن 2016-جىلى ىستانبۇلدا ي ى ۇ سامميتى بارىسىندا ق ر پرەزيدەنتى نۇرسۇلتان نازاربايەۆ كوتەرگەن بولاتىن.

بيىلعى شارا «يسلام الەمىندەگى عىلىم، تەحنولوگيا، يننوۆاتسيا جانە جاڭعىرۋ» تاقىرىبىنا ارنالىپ وتىر. مەملەكەت جانە ۇكىمەت باسشىلارى وسى كەزدەسۋ بارىسىندا العاش رەت عىلىمي-تەحنيكالىق ماسەلەلەردى تالقىلايدى.

وسى ورايدا سامميت اتالعان سالالاردا دامۋدىڭ كۇن ءتارتىبىن قالىپتاستىرۋعا نەگىز بولماق. سونىمەن قاتار بۇل اۋقىمدى شارا ۇيىمنىڭ عىلىم مەن تەحنولوگيالارعا ايرىقشا ءمان بەرىپ وتىرعانىن، الداعى ون جىلدىققا بۇل سالادا مۇسىلمان ەلدەرى ءۇشىن باسىمدىقتار مەن مىندەتتەردى ءارى ۇسىنىستاردى ايقىندايدى. ءسامميتتىڭ نەگىزگى قۇجاتتارى قورىتىندى كومميۋنيكە مەن استانا دەكلاراتسياسى بولماق.

بيىلعى جيىنعا ي ى ۇ- عا قاتىسۋشى 56 مەملەكەت، سونداي-اق حالىقارالىق جانە وڭىرلىك ۇيىمدار قاتىسۋدا. بەلگىلى بولعانداي، سامميت كەزىندە يسلام ىنتىماقتاستىعى ۇيىنىڭ عىلىم مەن تەحنولوگيالار بويىنشا سىيلىعى تاپسىرىلادى دەپ كۇتىلۋدە.

ايتا كەتەيىك، مۇسىلمان مەملەكەتتەرى باسشىلارىنىڭ 1969-جىلعى 25- قىركۇيەكتە راباتتا وتكەن كونفەرەنسياسىندا نەگىزى قالانعان يسلام ىنتىماقتاستىعى ۇيىمى (ي ى ۇ) - ەڭ ءىرى جانە ىقپالدى ۇكىمەتتىك ءارى حالىقارالىق مۇسىلمان ۇيىمى.

قازىرگى ۋاقىتتا ول جالپى سانى شامامەن 1,5 ميلليارد ادامدى قامتيتىن 57 ەلدىڭ باسىن بىرىكتىرىپ وتىر. يىۇ- نىڭ نەگىزگى قاعيداتتارى مىنالار: تولىق تەڭدىك؛ ءار حالىقتىڭ ءوز تاعدىرىن ءوزى شەشۋ قۇقىعىنا دەگەن قۇرمەت؛ ىشكى ىستەرىنە ارالاسپاۋ؛ مەملەكەتتەردىڭ ەگەمەندىگىن، تاۋەلسىزدىگىن جانە اۋماقتىق تۇتاستىعىن قۇرمەتتەۋ؛ ي ى ۇ- عا مۇشە مەملەكەتتەر اراسىنداعى داۋلى ماسەلەلەردى كەلىسسوز، ارااعايىندىق نەمەسە اربيتراج ارقىلى بەيبىت جولمەن شەشۋ؛ ۇيىمعا مۇشە مەملەكەتتەر اۋماقتارىنىڭ تۇتاستىعىنا، سونىمەن بىرگە ساياسي تاۋەلسىزدىگىنە دە قارسى كۇش قولدانباۋ نەمەسە قوقان-لوققى كورسەتپەۋ.

قازاقستان 1995-جىلى يسلام ىنتىماقتاستىعى ۇيىمىنىڭ تولىق قۇقىلى مۇشەسىنە اينالدى. استانادا 2011-جىلعى 28-30- ماۋسىمدا يسلام ىنتىماقتاستىعى ۇيىمى سىرتقى ىستەر مينيسترلەرى كەڭەسىنىڭ (س ى م ك) 38-سەسسياسى ءوتتى. سول ساتتەن باستاپ قازاقستان وسى حالىقارالىق ۇيىمعا ءتوراعالىق ەتۋگە كىرىستى.

بۇل باس قوسۋدى تاريحي وقيعا دەپ اتاۋعا بولادى، ويتكەنى، وندا يسلام كونفەرەنتسياسى ۇيىمى اتاۋىن (ي ك ۇ) يسلام ىنتىماقتاستىعى ۇيىمى (ي ى ۇ) دەپ وزگەرتۋ تۋرالى شەشىم قابىلداندى جانە ادام قۇقىقتارى جونىندەگى تۇراقتى كوميسسيا قۇرىلدى.

العاشقى رەت ي ى ۇ- نىڭ ورتالىق ازيامەن ىنتىماقتاستىق جونىندەگى ءىس-ارەكەت جوسپارى قابىلداندى.

اۆتور: رۋسلان عابباسوۆ