ەكسپونىڭ جابىلۋ كەزىندە كورمە اۋماعىندا تەك اقىلى تۇراقتار جۇمىس ىستەيدى

استانا. قازاقپارات - 10- قىركۇيەكتە «ەكسپو-2017» كورمەسىنىڭ اۋماعىندا جابىلۋ كەزىندە كەلۋشىلەر ءۇشىن تەك اقىلى كولىك تۇراقتار جۇمىس ىستەيتىن بولادى.

ولار ت. رىسقۇلوۆ كوشەسى مەن قابانباي باتىر داڭعىلىندا ورنالاسقان، دەپ حابارلادى بۇگىن استانا اكىمدىگىنىڭ مەديا ورتالىعى. سونداي-اق «مەga Silk Way» (1700 م/م) و س و اۋماعىندا اقىلى تۇراقتار بولادى.

وتشاشۋ وتكىزىلۋىنە بايلانىستى كولىكتەرگە زاقىم كەلتىرمەس ءۇشىن ر3, ر4 جانە ر5 تۇراقتارى جابىق بولادى. تۇراق باعاسى: 1 ساعاتقا - 200 تەڭگە، ءار كەلەسى ساعات - 100 تەڭگە. ت. رىسقۇلوۆ جانە ماڭگىلىك ەل كوشەلەرىنىڭ قيىلىسىندا 2000 كولىككە ارنالعان تەگىن كولىك تۇراعى جۇمىس ىستەيدى. 10- قىركۇيەك كۇنى اشىق بولاتىن تۇراقتار تىركەلگەن.