قازاقستاندا بالا قۇقىقتارى جونىندە حالىقارالىق كونفەرەنسيا وتەدى

استانا. قازاقپارات - بىشكەكتە ءۇش كۇنگە سوزىلاتىن «ادام قۇقىقتارى سالاسىنداعى نورماتيۆتىك-قۇقىقتىق اكتىلەردى جەتىلدىرۋدەگى ومبۋدسمەننىڭ ءرولى:

بولجامدار جانە پەرسپەكتيۆالار» حالىقارالىق فورۋمىنىڭ اياسىندا «بالا قۇقىقتارى (بالالارعا زورلىق- زومبىلىق كورسەتۋ) » تاقىرىبىندا سەسسيا ءوتتى.

قازاقستان رەسپۋبليكاسىنىڭ پارلامەنتى ءماجىلىسىنىڭ دەپۋتاتى، بالا قۇقىقتارى بويىنشا وكىلەتتى زاعيپا باليەۆا سەسسياعا مودەراتورلىق ەتتى، دەپ حابارلايدى «قازاقپارات» ح ا ا ق ر بالا ومبۋدسمەنىنىڭ باسپا ءسوز قىزمەتىنە سىلتەمە جاساپ.

فورۋمعا ومبۋدسمەندەر، ۇلتتىق قۇقىق قورعاۋ مەكەمەلەرىنىڭ وكىلەتتى تۇلعالارى مەن وكىلدەرى، قازاقستان جانە وزبەكستان پارلامەنتتەرىنىڭ دەپۋتاتتارى، سونداي-اق ب ۇ ۇ، ە ق ى ۇ، دانيا ادام قۇقىقتارى ينستيتۋتىنىڭ، Penal Reform International ۇيىمىنىڭ ورتالىق ازياداعى ايماقتىق وكىلدىگىنىڭ، كونستيتۋتسيالىق پالاتانىڭ، قىرعىزستان سوت جانە قۇقىق قورعاۋ ورگاندارىنىڭ وكىلدەرى قاتىسۋدا.

زاعيپا بالييەۆا قىرعىز رەسپۋبليكاسىنىڭ ومبۋدسمەنىن ادام قۇقىقتارى جونىندەگى وكىل ينستيتۋتىنىڭ 15 جىلدىعىمەن قۇتتىقتاپ، بالا قۇقىقتارى بويىنشا ىنتىماقتاستىقتى كەڭەيتۋگە دايىن ەكەنىن ءبىلدىردى.

سەسسيادا بالا قۇقىقتارىن ساقتاۋداعى حالىقارالىق جانە ۇلتتىق ينستيتۋتتاردىڭ ءرولى، قوعامدىق ءومىردىڭ بارلىق سالاسىنداعى بالا قۇقىقتارىن قورعاۋدىڭ جاڭا مەحانيزمدەرى تاقىرىبىندا باياندامالار جاسالدى. شارادا قازاقستان وكىلى شەتەلدىك ارىپتەستەرىنە ەلىمىزدىڭ بالا قۇقىقتارىن قورعاۋ مودەلىن تانىستىرىپ، ۇستىمىزدەگى جىلدىڭ قاراشاسىندا وتەتىن «بالالارعا باۋىرمال قازاقستان» اتتى حالىقارالىق كونفەرەنسياعا قاتىسۋعا شاقىردى.