پرەمەر-مينيستر تۇركيانىڭ بيزنەس قۇرىلىمدارىنىڭ باسشىلارىمەن كەزدەستى

استانا. قازاقپارات - بۇگىن استانادا قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتايەۆ تۇركيانىڭ بيزنەس قۇرىلىمدارىنىڭ وكىلدەرىمەن كەزدەسۋ وتكىزدى، دەپ حابارلايدى ق ر ۇكىمەتىنىڭ باسپا ءسوز قىزمەتى.

ولاردىڭ ىشىندە «Calik Holding»، «Yildirim Holding»، «Yildizlar SSS Holding»، «Agrobest Group» جانە ت. ب. ءىرى تۇرىك حولدينگتەرىنىڭ باسشىلارى بار. كەزدەسۋ بارىسىندا قۇرىلىس ماتەريالدارىن، ماشينا جاساۋ وندىمدەرىن ءوندىرۋ، حيميا ونەركاسىبى، تاۋ- كەن-مەتاللۋرگيا سەكتورى، ەنەرگەتيكا جانە اگروونەركاسىپ كەشەنى سالالارىندا بىرلەسكەن ينۆەستيتسيالىق جوبالاردى جۇزەگە اسىرۋ ماسەلەلەرى تالقىلاندى.

ايتا كەتەيىك، ق ر- دان تۇركياعا ەكسپورت %53,8- عا ءوسىپ، 563,3 ميلليون ا ق ش دوللارىن قۇراعان. تۇركيادان قازاقستانعا تىكەلەي ينۆەستيتسيالار اعىمى 2005-جىلدان باستاپ 2017-جىلدىڭ 1- توقسانى ارالىعىندا 2,1 ميلليارد ا ق ش دوللارىن قۇراعان. قازاقستان مەن تۇركيا اراسىنداعى تاۋار اينالىمى بيىلعى جىلدىڭ 6 ايىندا 925,1 ميلليون ا ق ش دوللارىن قۇراعان، بۇل وتكەن جىلدىڭ وسى كەزەڭىندەگى كورسەتكىشىنەن %36,1- عا جوعارى.

2017-جىلدىڭ ءبىرىنشى جارتىجىلدىعىندا قازاقستاندا تۇرىك ۇلەسىنىڭ قاتىسۋىمەن 4114 زاڭدى تۇلعا، بولىمشەلەر مەن وكىلدىكتەر تىركەلگەن. بۇگىنگى تاڭدا ساۋدا-ەكونوميكالىق ىنتىماقتاستىق بويىنشا قازاقستان - تۇركيا ۇكىمەتارالىق كوميسسياسىنىڭ بەلسەندى قاتىسۋىمەن جالپى سوماسى شامامەن 1 ميلليارد ا ق ش دوللارىن قۇرايتىن، 26 بىرلەسكەن ينۆەستيتسيالىق جوبادان تۇراتىن «جاڭا سينەرگيا» اتتى ورتاق ەكونوميكالىق باعدارلاما حاتتاماسىنىڭ جاڭا جوباسى بەكىتىلدى.

جالپى العاندا، بۇگىنگى تاڭدا قازاقستاندىق- تۇرىك ينۆەستيتسيالىق باستامالارىنىڭ جالپى پاكەتى جالپى سوماسى 2,7 ميلليارد ا ق ش دوللارىن قۇرايتىن 70 جوبادان تۇرادى، ولاردىڭ 31 ءى ىسكە اسىرىلعان، شامامەن 40 جوباسى جۇزەگە اسىرىلۋدا ءارى پەرسپەكتيۆالىق بولىپ تابىلادى.