نۇرسۇلتان نازاربايەۆ تۇركى الەمىنىڭ اقساقالى ەكەنىن دالەلدەدى - رەدجەپ ەردوعان
رەدجەپ تايىپ ەردوعان وتكەن جىلى تۇركيادا بولعان ساياسي شيەلەنىستى ەسكە الىپ، وسى وقيعادان كەيىن نۇرسۇلتان نازاربايەۆتىڭ بىردەن كەلگەنى ءۇشىن ءوز ريزاشىلىعىن ءبىلدىردى، دەپ حابارلايدى قازاقپارات ءتىلشىسى.
«وسى ساپاردان كەيىن قازاقستان پرەزيدەنتى نۇرسۇلتان نازاربايەۆ تۇركى الەمىنىڭ قۇرمەتتى اقساقالى رەتىندە ءوزىنىڭ ءرولىن كۇشەيتە ءتۇستى... بىزگە قولداۋ جاساعان قازاقستان باسشىسىنا تاعى ءبىر مارتە شىن العىسىمدى ايتامىن"، - دەپ اتاپ كورسەتتى ەردوعان
تۇركيا پرەزيدەنتىنىڭ ايتۋىنشا، ءقاۋىپتى ۇيىمدارمەن بىرلەسىپ كۇرەسۋدىڭ ناتيجەسىندە باۋىرلاس ەلدەردىڭ بىرلىگى ارتادى. سونداي- اق، ەردوعان قازاقستاننىڭ ورتالىق ازياداعى ءرولىن، سيريا ماسەلەسىن رەتتەۋ جولىنداعى ەرەن ەڭبەگىن ەرەكشە اتاپ ءوتىپ، قازاقستان پرەزيدەنتىن كەلەسى جىلى ءوز ەلىنە رەسمي ساپارمەن كەلۋگە شاقىردى.
ايتا كەتەيىك، بۇگىن اقوردادا قر پرەزيدەنتى نۇرسۇلتان نازاربايەۆ تۇركيا باسشىسى رەدجەپ تايىپ ەردوعاندى قابىلدادى. "تۇركيانىڭ تاۋەلسىزدىگىمىزبەن قۇتتىقتاعانى ءالى ەسىمدە"، - دەيدى نۇرسۇلتان نازاربايەۆ
