16:54, 08 - قىركۇيەك 2017 | GMT +5
موڭعوليالىق قانداسىمىز «الەم بارىسىنىڭ» جارتىلاي فينالىنا شىقتى
استانا. قازاقپارات - «الەم بارىسىنىڭ» شيرەك فينالىندا موڭعوليادان كەلگەن قانداسىمىز سەرىك بەردىمۇرات ۇلى قارسىلاسىن قوسىمشا ۋاقىتتا قاپى قالدىرىپ، جارتىلاي فينالعا شىقتى، دەپ حابارلايدى «قازاقپارات» ح ا ا ءتىلشىسى.
ەندى ول جارتىلاي فينالدا قازاقستاننىڭ بەلدى بالۋانى «قازاقستان بارىسى» اتاعىنىڭ يەگەرى ايبەك نۇعىماروۆپەن بەلدەسەتىن بولادى.
سەرىك بەردىمۇرات ۇلى بايان-ولگەي ايماعىندا تسەنگەل اۋىلىندا دۇنيەگە كەلگەن. ول سپورتپەن ون جاسىنان بەرى شۇعىلدانادى. سۋمو، سامبو، موڭعول كۇرەسى جانە دزيۋ- دومەن اينالىسادى. كوپتەگەن جارىستاردىڭ جەڭىمپازى. سۋمودان جاسوسپىرىمدەر اراسىنداعى الەم چەمپيونى.
اۆتور: كۇنسۇلتان وتارباي
