سوت قازاقستاندىق جىگىت پەن قىتايلىق قازاق قىزدى قايتا قوسۋعا شەشىم قابىلدادى
بۇل تۋرالى Sputnik قازاقستان حابارلايدى.
بۇعان دەيىن قازاقستاندىق تۇرسىن ءبورىباي ءوزىنىڭ ايەلى - قىتاي ازاماتى جازيرا يمانالىمەن قوسۋ تۋرالى ءوتىنىشتى ىشكى ىستەر مينيسترىنە جولداعان بولاتىن.
جاستار ەكى جىل بۇرىن تانىسىپ، جاقىندا عانا وتاۋ قۇرعان. الايدا جازيرا ەلدىڭ ميگراتسيالىق زاڭىن بۇزدى دەپ ەلدەن شىعارىلعالى بەرى، ەكەۋى بىرگە ەمەس. قازاقستاندىق جىگىت وتباسىندا ءوزىنىڭ كەنجە ەكەنىن، ال اكەسىنىڭ اۋىرىپ جاتقانىن جانە ۇلىنىڭ ۇيلەنۋ تويىن كورۋدى ارماندايتىنىن ايتقان بولاتىن. جاعداي وڭ شەشىمىن تاپسا ول تويىنا مينيستر قالمۇحانبەت قاسىموۆتى شاقىرۋعا دا ۋادە ەتكەن.
ءى ءى م بۇعان دەيىن سوت شەشىمى نەگىزىندە قىزدى وتكەن جىلدىڭ 29 - ماۋسىمىنان باستاپ 2021 - جىلدىڭ 29 - ماۋسىمىنا دەيىن ەل اۋماعىنا كىرگىزبەيتىنىن جاريا ەتكەن. سوت شەشىمى وزگەرگەن جاعدايدا ميگراتسيالىق قىزمەت اتالمىش تىيىمنىڭ كۇشىن جويادى.
«سۋديالار پروكۋروردىڭ تالابى بويىنشا شەشىمدى قايتا قاراپ، تىيىمنىڭ كۇشىن جويدى»، - دەدى قاسىموۆ.
