11:19, 05 - قىركۇيەك 2017 | GMT +5
قانات يسلامنىڭ استاناداعى جەكپە-جەكتە كيەتىن كيىمى تانىستىرىلدى - فوتو
استانا. قازاقپارات - قازاقستاندىق كاسىپقوي بوكسشى قانات يسلامنىڭ ەكسپو اياسىندا وتەتىن كەزەكتى جەكپە-جەگىندە رينگكە كيىپ شىعاتىن كيىم ۇلگىسى تانىستىرىلدى، دەپ حابارلايدى قازاقپارات.
جاڭا كيىم ۇلگىسى بوكسشىنىڭ Facebook جەلىسىندەگى پاراقشاسىندا جاريالاندى. كيىم اسپان كوك تۇستە بولىپ، وعان التىن تۇستە بوكسشىنىڭ لاقاپ اتى «QAZAQ» دەپ جازىلعان.
ەسكە سالا كەتەيىك، 9 -قىركۇيەك كۇنى ەكسپو-2017 اياسىندا «سارىارقا» ۆەلوترەگىنىڭ الاڭىندا بوكس كەشى وتەدى. جەڭىلىپ كورمەگەن قازاقستاندىق قانات يسلام مەن كانادالىق برەندون كۋكتىڭ ايقاسى - باستى وقيعا بولادى. سونداي-اق وسى جەكپە-جەكتىڭ اندەركارتىندا قازاقستاندىق 8 بوكسشى شارشى الاڭعا شىعادى.
