رەسەيلىك اۋىر اتلەتتەر قازاقستان ازاماتتىعىن الماق

استانا. قازاقپارات - دوپينگ ءۇشىن سپورتتان شەتتەتىلگەن رەسەيدىڭ ءتورت اۋىر اتلەتى قازاقستان ازاماتتىعىن الۋعا نيەتتى.

2015-جىلعى ەۋروپا چەمپيوناتىنىڭ جۇلدەگەرى نادەجدا ليحاچەۆا، 2017-جىلعى رەسەي جاس وسپىرىمدەر بىرىنشىلىگىنىڭ جۇلدەگەرى ماريا اندرەيەۆا، 2014-جىلى جاس وسپىرىمدەر اراسىندا چەمپيون بولعان دەنيس كەحتەر جانە 2014-جىلى وتكەن جاستار اراسىنداعى الەم چەمپيوناتىنىڭ جەڭىمپازى لاريسا كوبەليەۆا باپكەرلەرى نازيپ شيگاپوۆپەن بىرگە جىل باسىندا قازاقستانعا كوشىپ كەلگەن. جانە championat.com-نىڭ حابارلاۋىنشا، ازاماتتىق الۋعا ءوتىنىش بەرگەن.

قازىر ولار وقۋ-جاتتىعۋ جيىندارى ءوتىپ جاتقان الماتى وبلىسىنىڭ تەكەلى قالاسىندا تۇرادى.

ايتا كەتەتىن ءجايت، كەحتەر مەن كوبەليەۆا قازىرگى ۋاقىتتا دوپينگ قولدانعانى ءۇشىن ءتورت جىلدىق (2019-جىلدىڭ كوكتەمىندە اياقتالادى) ديسكۆاليفيكاتسيانى وتەۋدە.