كينەماتوگرافياعا بولىنەتىن اقشا ساپالى ونىمگە جۇمسالۋى قاجەت - ەلباسى
«2018 -جىلى قوعامدى رۋحاني جاڭعىرتۋمەن بايلانىستى ءبىرقاتار باعىت باستاۋ الادى. بىرىنشىدەن، ءبىز قوعامدىق سانانى جاڭعىرتۋ بويىنشا جۇمىستاردى باستادىق. سوندىقتان بىزگە وزگەنىڭ ەسكىرگەن دوگماسىنا جابىسۋدىڭ قاجەتى جوق. ءبىزدىڭ ءوزىمىزدىڭ تاجىريبەمىز، قۇندىلىقتارىمىز، دامۋ جولىمىز بار. مادەنيەت سالاسى ايرىقشا مانگە يە. سوندىقتان بۇل سالاداعى زاڭنامانى جەتىلدىرۋ تالاپ ەتىلەدى. اتاپ ايتقاندا، زاڭ جوبالاۋ جۇمىسىمىزدىڭ جوسپارىندا ءبىرىنشى رەت كينەماتوگرافيا تۋرالى زاڭدى قابىلداۋ بار. بۇل رەتتە وتاندىق كينويندۋستريانى ودان ارى دامىتۋ ءۇشىن كونتسەپتۋالدى نەگىزدەردى ايقىنداۋ قاجەت»، - دەدى ەلباسى.
وسى ورايدا مەملەكەت باسشىسى سوڭعى جىلدار ىشىندە وتاندىق تەلەارنالار مەن كينوستۋديالار بۇل باعىتتا بەلسەندىلىك تانىتا باستاعاندىعىن ايرىقشا اتاپ ءوتتى.
«كينەماتوگرافياعا بولىنەتىن اقشا ساپالى ونىمگە جۇمسالۋى قاجەت. فيلمدەردىڭ سانىن قۋۋدىڭ ەش قاجەتى جوق»، - دەدى نۇرسۇلتان نازاربايەۆ.
اۆتور: مارلان جيەمباي
