ەلباسى ءدارى- دارمەك باعاسىنىڭ شارىقتاۋىنا توسقاۋىل قويۋدى تاپسىردى
«ءدارى- دارمەك زاتتارىنىڭ اينالىمى ماڭىزدى الەۋمەتتىك سيپاتقا يە. سالادا باعانىڭ شارىقتاۋىنا توسقاۋىل قوياتىن شارالار قاجەت، سوندىقتان دارىلىك جانە مەديتسينالىق زاتتاردىڭ اينالىمىن رەتتەۋ كەرەك بولىپ تۇر. قازاقستاندىقتار قولجەتىمدى، ساپالى ءارى قاۋىپسىز ءدارى-دارمەكتى الۋ قۇقىعىنا يە. مەن بۇل جايىندا بىرنەشە مارتە ايتقان بولاتىنمىن، بىزدە ءدارى وندىرىسىندە قانداي دا ءبىر مونوپوليا بار»، - دەپ توقتالدى ەلباسى ق ر پارلامەنتى پالاتالارىنىڭ بىرلەسكەن وتىرىسىندا.
وسى ورايدا پرەزيدەنت فارماتسيەۆتيكالىق فابريكانى سالۋعا نيەتتى ينۆەستورلار كەلگەن كەزدە كەدەرگىلەر تۋىنداي باستايتىنىن سىنعا الدى.
«بارلىق جەردە كەدەرگىلەر قويىلادى. نەگە؟ سەبەبى جەتكىزۋشىلەر مەن وسىندا قابىلدايتىنداردىڭ قۇرىلىمى قالىپتاستى. بۇل سالادا قانداي دا ءبىر ايىرما بار جانە وسىدان كەتەتىن ويلارى جوق. ءبىرتانوۆقا (قر دەنساۋلىق ساقتاۋ ءمينيسترى - اۆتور) بۇل ماسەلەگە قاتىستى ءتيىستى شەشىم جاساۋدى تاپسىرعان بولاتىن. مەنىڭ ويىمشا، ول دۇرىس قادامدار جاساپ جاتىر، الايدى بۇل ءىستى سوڭىنا دەيىن جەتكىزۋ كەرەك»، - دەدى ن. نازاربايەۆ.
سونىمەن قاتار مەملەكەت باسشىسى وڭىرلەردەگى مەديتسينالىق مەكەمەلەردە جۇمىس ىستەمەي تۇرعان جابدىقتار ماسەلەسىنە نازار اۋداردى.
«جاڭا جابدىقتار وبلىستاردا ەش قىزمەت كورسەتپەستەن پايدالانىلماي جاتىر. ولاردى كەزىندە قاجەت دەپ بيۋدجەتتى قاراستىرۋ بارىسىندا الدى، ال كەيىننەن يگەرىلمەي قالدى. سەبەبى ونىڭ بارلىعى الدىن الا پىسىقتالمادى»، - دەدى پرەزيدەنت.
بۇل تۇرعىدا ەلباسى دەنساۋلىق ساقتاۋ مينيسترىنە اتالعان سالادا قوردالاعان ماسەلەلەردى رەتكە كەلتىرىپ، وسى جايىندا كەيىننەن ەگجەي- تەگجەيلى بايانداپ بەرۋدى تاپسىردى.