ترامپ قازاقستان پرەزيدەنتىن ەكسپو كورمەسىنىڭ تابىستى وتۋىمەن قۇتتىقتادى
اڭگىمەلەسۋ بارىسىندا دونالد ترامپ قازاقستان پرەزيدەنتىن استاناداعى «ەكسپو-2017» حالىقارالىق كورمەسىنىڭ تابىستى وتۋىمەن قۇتتىقتاپ، امەريكا دەلەگاتسياسىنىڭ وسى ءىس-شاراعا قاتىسۋ ناتيجەلەرىن جوعارى باعالادى.
مەملەكەت باسشىسى نۇرسۇلتان نازاربايەۆ تەحاس شتاتىندا ونداعان ادامنىڭ ءومىرىن قيعان تابيعي اپاتقا بايلانىستى كوڭىل ايتىپ، زارداپ شەككەن اۋداندار ينفراقۇرىلىمىنىڭ تەزىرەك قالىپقا كەلۋىنە جانە جەرگىلىكتى حالىقتىڭ جايلى ومىرگە قايتا ورالۋىنا تىلەكتەستىك ءبىلدىردى.
ەكى ەل كوشباسشىلارى استانا مەن ۆاشينگتون اراسىنداعى ىنتىماقتاستىقتى نىعايتۋدا بيىلعى 21- مامىردا ەر-ريادتا وتكەن «يسلام الەمى - ا ق ش» سامميتى اياسىنداعى العاشقى كەزدەسۋدىڭ ماڭىزدىلىعىن اتاپ ءوتتى.
نۇرسۇلتان نازاربايەۆ اقش پرەزيدەنتىنە بيىلعى 10-11- قىركۇيەكتە استانادا يسلام ىنتىماقتاستىعى ۇيىمىنىڭ عىلىم جانە تەحنولوگيالار جونىندەگى ءسامميتى وتەتىن ايتتى.
مەملەكەتتەر باسشىلارى قازاقستان مەن امەريكا قارىم-قاتىناسىنىڭ جاعدايىن جانە ونىڭ دامۋ پەرسپەكتيۆالارىن تالقىلادى.
بۇل رەتتە، تاراپتار ەكىجاقتى ساۋدا-ەكونوميكالىق ءوزارا ءىس-قيمىلدى نىعايتۋ تۋرالى ۋاعدالاستى.
وڭىرلىك جانە حالىقارالىق كۇن تارتىبىندەگى وزەكتى ماسەلەلەر جونىندە پىكىر الماسۋ بولدى. نۇرسۇلتان نازاربايەۆ بيىلعى 29- تامىزدا قازاقستاندا تومەن بايىتىلعان ۋران بانكىنىڭ ىسكە قوسىلۋىنىڭ جاھاندىق قاۋىپسىزدىكتى نىعايتۋداعى ماڭىزدىلىعىنا نازار اۋداردى.
ەكى ەلدىڭ كوشباسشىلارى امەريكا- رەسەي قارىم- قاتىناستارىنىڭ جاعدايىنا جەكە توقتالدى. قازاقستان پرەزيدەنتى ۆاشينگتون مەن ماسكەۋ اراسىنداعى ديالوگتىڭ جاقساراتىنىنا سەنىم ءبىلدىردى.
دونالد ترامپ نۇرسۇلتان نازاربايەۆتى ۆاشينگتونعا رەسمي ساپارمەن كەلۋگە شاقىردى. مەملەكەتتەر باسشىلارى اڭگىمە سوڭىندا ەكى جاق تا مۇددەلى بولاتىن ماسەلەلەر جونىندە تۇراقتى ديالوگتى قولداۋعا نيەتتى ەكەندىكتەرىن ءبىلدىردى. تەلەفون ارقىلى سويلەسۋگە ا ق ش جاعى باستاماشى بولدى.
