پوليتسيا قىزمەتكەرىنە قول كوتەرگەن پاۆلودارلىق ۇستالدى
بۇل تۋرالى پاۆلودار وبلىستىق ءى ءى د باسپا ءسوز قىزمەتى اقپارات تاراتتى. تيىم سالىنعان ورىنداردا ادامداردىڭ شومىلۋ فاكتىلەرىنىڭ جولىن كەسۋ بويىنشا بىرلەسكەن ءىس-شارالار وتكىزۋ بارىسىندا ءتارتىپ ساقشىلارى ەرتىس وزەنىنىڭ جاعالاۋىندا اۋىلدىڭ كامەلەتتىك جاسقا تولماعان ءۇش تۇرعىنىن ۇستادى.
اتا-انالارىنىڭ قاتىسۋىمەن اكىمشىلىك قۇقىق بۇزۋشىلىق تۋرالى حاتتاما تولتىرۋ ءۇشىن ءتارتىپ ساقشىلارى بالالاردى تۇرعىلىقتى مەكەنجايلارىنا الىپ باردى. «اكەسى، ماس بولا تۇرىپ، پوليتسەيلەردىڭ بالالارىن الىپ كەلە جاتقاندارىن كورە سالا، ۇرىپ-سوعىپ، ولارعا باس سالدى. قىزمەتكەرلەردىڭ تالابى بويىنشا ەر ادام دەرەۋ بالالارىن ۇيىنە كىرگىزدى. كەيىن، ول قايتىپ كەلىپ، پوليتسيا كاپيتانىن موينىنان جۇلقىلاپ، جۇدىرىرىعىمەن جەلكەسىنە ءبىر سوقتى، سودان سوڭ ەسىككە قاراي يتەرمەلەدى. دارىگەرلەر پوليتسيا كاپيتانىنا «جابىق باس سۇيەك-مي جاراقاتى، باس ميىنىڭ شايقالۋى، مويىن جاعى جانە سول جاق شىنتاق بۋىنىنىڭ سوعىلۋى» دەگەن قورىتىندى شىعاردى،- دەدى باسپا ءسوز قىزمەتىندە.
وسى فاكت بويىنشا ق ر ق ك 380-بابى 1-ءبولىمى بويىنشا سوتقا دەيىنگى تەرگەۋ جۇمىستارى باستالدى.
