17:57, 01 - قىركۇيەك 2017 | GMT +5
اشحاباد وقۋشىلارى مەن ستۋدەنتتەرى ازياداعا بايلانىستى دەمالىسقا جىبەرىلەدى
استانا. قازاقپارات - 31- تامىز كۇنگى مينيسترلەر كابينەتىندەگى وتىرىستا تۇرىكمەنستان پرەزيدەنتى گۋربانگۋلى بەردىمۋحامەدوۆ جاڭا قاۋلىعا قول قويدى.
اتالعان قۇجاتقا سايكەس، «18-28- قىركۇيەك ارالىعىنداعى ازيادا وتكىزىلۋى كەزىندە اشحابادتا ورنالاسقان مەكتەپتەر، باستاۋىش، ورتا جانە جوعارى كاسىبي وقۋ ورىندارىنىڭ وقۋشىلارى مەن ستۋدەنتتەرى جوسپاردان تىس دەمالىسقا جىبەرىلەدى».
بۇل تۋرالى ت د ح مەملەكەتتىك اقپارات اگەنتتىگى حابارلادى. پرەزيدەنت سونداي-اق، «بارلىق وقيتىن سپورتشىلاردىڭ ازيادا ويىندارىنا دايىندالۋى ءۇشىن ءبىر ايعا وقۋدان بوساتىلۋىن» بۇيىردى.
