09:20, 01 - قىركۇيەك 2017 | GMT +5
ميلليونەر تەگىن اۆتوتۇراق ءۇشىن مۇگەدەكتەر بەلگىسىن پايدالانعان
استانا. قازاقپارات - ميلليونەر تەگىن اۆتوتۇراق ءۇشىن مۇگەدەكتىك بەلگىنى ءوزىنىڭ اناسىنىڭ قۇجاتىنان كوشىرىپ جاساپ العان، دەپ حابارلايدى life.ru.
لوندوندىق ميلليونەر ەررول ليپمان قۇنى 35 مىڭ ەۋرو تۇراتىن مەرسەدەس كولىگىن اۆتوتۇراققا تەگىن قويۋ ءۇشىن مۇگەدەكتەرگە ارنالعان بەلگىنىڭ كوشىرمەسىن پايدالانعان.
جىلجىمايتىن مۇلىكتەردى ساتۋمەن اينالىساتىن 58 جاستاعى ميلليونەر ەررول ليپمان ءوزىنىڭ قىمبات كولىگى ءۇشىن اۆتوتۇراق شىعىندارىن وسىلاي ۇنەمدەمەك بولعان. ول اۆتوكولىگىنىڭ شىنىسىنا ءوزىنىڭ 86 جاستاعى مۇگەدەك اناسى دوروتيگە بەرىلگەن اۆتوتۇراق بەلگىسىنىڭ فوتوسىن كوشىرمە جاساپ، جاپسىرىپ العان. ايتا كەتەرلىگى، بۇل ءتۇپنۇسقا قۇجاتتىڭ پايدالانۋ مەرزىمى ءبىر جىل بۇرىن ءبىتىپ قالعان ەكەن.
The Sun پورتالىنىڭ حابارلاۋىنشا، ۋيللەسدەن سوتى ميلليونەردى جالعان قۇجات جاساعانى ءۇشىن ايىپتى دەپ تاۋىپ، ايىپپۇل سالعان.
