گولوۆكين سپورتتان قاشان كەتەتىنىن ايتتى

استانا. قازاقپارات - قازاقستاندىق بوكسشى گەننادي گولوۆكين مەديا-كونفەرەنسيادا كاسىبي مانسابىن شامامەن قاشان اياقتاۋى مۇمكىن ەكەنى تۋرالى سۇراققا جاۋاپ بەردى، دەپ حابارلايدى Sports.kz.

«ءدال قازىر ءوز بابىمدا ەكەنىمدى سەزىنەمىن. 25 پەن 35 جاس اراسىنداعى ايىرماشىلىق اسا بايقالمايدى. مەن قازىر دە ءدال بۇرىنعىداي كۇندە جاتتىعۋ جاسايمىن. سپاررينگتەرىم دە ءدال بۇرىنعىداي، جىلدامدىق پەن كۇش بابىندا دا ەشتەڭە جوعالتپاعانمىن. ءوزىمدى تۋرا 10 جىل بۇرىنعىداي سەزىنەمىن. جاسىم 35 تە بولسا دا، 25 جاستايمىن. ىشتەي «كانەلودان» دا جاس سەزىنەتىن شىعارمىن.

ءيا، 40 تارعا دەيىن [اياقتارمىن]، ءالى بەس جىل بار. بۇل - بوكس. مۇنداعى ءاربىر كۇن قيىن ءارى قاۋىپتى. ال قازىر ءوزىمدى جاپ-جاقسى سەزىنەمىن. ءبارى ويداعىداي. سوندىقتان، مۇمكىن، تاعى دا بەس جىل جۇدىرىقتاساتىن شىعارمىن»، - دەپ اتاپ ءوتتى گەننادي گولوۆكين.