زەينەپ احمەتوۆا: قازىرگى كوپ قىزداردا ەركەك قىزىعاتىن ەشتەڭە قالمادى

استانا. قازاقپارات - "اسىل ارنا" تەلەارناسىنا سۇحبات بەرگەن زەينەپ احمەتوۆا بۇگىنگى كوپ قىزداردىڭ جىگىت قىزىعاتىنداي ەشتەڭەسى قالمادى دەيدى.

قازاقتىڭ تالاي قىزىنا ۇلگى بولىپ جۇرگەن مومىش ۇلىنىڭ كەلىنى قازىرگى قىز - كەلىنشەكتەردىڭ جىگىتتەرمەن بىردەي شالبار كيىپ الاتىنىنا قىنجىلدى دەپ حابارلايدى NUR. KZ.

«ەركەكشە سويلەيتىن، ەركەكشە جۇرەتىن، ەركەكشە ءىس- ارەكەت جاسايتىن ايەلدەر كوبەيدى. بۇتتاعى شالباردىڭ ءوزى ايەلدى ايەلدىك قاسيەتىنەن اجىراتتى. نەگە دەسەڭىز كويلەك دەگەن ادامدى ادەمى ءبىر قالىپقا سالادى، سەنىڭ ارتىق- كەم جەرىڭدى جاسىرىپ تۇرادى، كويلەك كيگەن ادام ءوزىنىڭ ءجۇرىسىن دە تۇزەپ جۇرەدى. ورامال مەن كويلەك - ايەلدىڭ ءسانى»، - دەيدى ول.

زەينەپ اپامىز كويلەك پەن ورامال قاشاندا قىزداردىڭ ءسان دەيدى.

«كويلەگىنىڭ استىندا نە بار ەكەن دەپ جۇرسە، قازىر سونىڭ ءبارى اشىق. جاستاردىڭ سوزىمەن ايتقاندا ەشقانداي "رومانتيكا" قالعان جوق، جىگىت قىزىعاتىن ەشتەمە قالمادى. جىگىتتەردىڭ دە اسەرى بولۋى كەرەك. قاسىندا شالبار كيىپ، تۋرا وزىنەن اۋمايتىن قىزبەن كەتىپ بارا جاتقان جىگىتتەردىڭ نە ويلايتىنىن بىلمەيمىن»، - دەيدى ول.

ەسكە سالساق، زەينەپ احمەتوۆا قازاقتىڭ ءبىرتۋار باتىرى باۋىرجان مومىش ۇلىنىڭ ۇلى باقىتجان باقىتجان مومىش ۇلىنىڭ جۇبايى، جازۋشى، قازاقى داستۇرلەردى ناسيحاتتاۋشى. قايىناتاسى تۋرالى مەمۋار كىتاپتار مەن ماقالالار جازادى.