كاسپي تەڭىزىنىڭ قازاقستانعا تيەسىلى بولىگىنىڭ جويىلىپ كەتەتىن كەزى بەلگىلى بولدى
اتالمىش زەرتتەۋ Geophysical Research Letters باسىلىمىندا جاريالاندى. ول تۋرالى قىسقاشا امەريكالىق گەوفيزيكا قوعامداستىعى حابارلادى. 1996-2015 -جىلدار ارالىعىندا كاسپي تەڭىزىنىڭ سۋ دەڭگەيى جىل سايىن 7 س م- گە تومەندەپ وتىرعان. اتالعان ۋاقىت ارالىعىندا كورسەتكىش 1,4 مەترگە جەتكەن. بۇل 1970 -جىلى تىركەلگەن تاريحي مينيمۋمنان 10 مەترگە جوعارى، دەپ جازادى لەنتا. رۋ.
ساراپشىلار كاسپيي تەڭىزىنىڭ سۋ دەيگەيى الداعى ۋاقىتتا وتە جىلدام تومەندەيتىنىن ايتادى. بۇل ۇدەرىس اسىرەسە تەڭىزدىڭ رەسەي مەن قازاقستان ارقىلى وتەتىن سولتۇستىك بولىگىندە قارقىندى جۇرەدى. اتالعان بولىكتىڭ تولىقتاي تارتىلۋى بۇگىنگى جىلىنۋ ۇدەرىسى جاعدايىندا شامامەن 75 جىلدان سوڭ بولۋى مۇمكىن.
سۋ كوزىنىڭ سۋالۋى جاھاندىق جىلىمىقتىڭ سالدارىنان اتموسفەرانىڭ جوعارعى قاباتىنىڭ جىلىنۋىنا بايلانىستى بولعالى وتىر. عالىمدار GRACE (Gravity Recovery And Climate Experiment) ميسسياسىنىڭ سپۋتنيكتەن جەر ارقىلى 4 نۇكتەدەگى ستانسيالاردان الىنعان مالىمەتتەرىن زەردەلەي وتىرىپ وسىنداي بايلامعا كەلگەن.
كاسپي تەڭىزى ەۋروپا مەن ازيا اراسىندا ورنالاسقان. وعان 5 مەملەكەت شىعا الادى. سۋ كوزى 371 مىڭ شارشى ك م اۋماقتى الىپ جاتىر. بۇل ايماقتا مۇناي، گاز، تۇز بار، سونىمەن قاتار الەمدەگى بەكىرەتۇقىمداس بالىقتاردىڭ 90 پروتسەنتى مەكەن ەتەدى.