قازاقستاندىقتاردىڭ شەتەلدە ءدىني ءبىلىم الۋى زاڭمەن رەتتەلمەك
كەڭەسكە قاتىسۋشىلار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءدىني قىزمەت جانە ءدىني بىرلەستىكتەر ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تالقىلادى، دەپ حابارلايدى قازاقپارات ۆەدومستۆونىڭ باسپا ءسوز قىزمەتىنە سىلتەمە جاساپ.
ءىس- شاراعا ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ، ءدىن جانە ازاماتتىق قوعام سالاسىنداعى قوعامدىق كەڭەستىڭ ءتوراعاسى تولەۋتاي سۇلەيمەنوۆ، قوعامدىق كەڭەس مۇشەلەرى، ۇ ە ۇ- لار، ءدىني بىرلەستىكتەر، جاستار ۇيىمدارىنىڭ وكىلدەرى قاتىستى.
اتالعان تاقىرىپ بويىنشا ءدىن ىستەرى كوميتەتى ءتوراعاسىنىڭ مىندەتىن اتقارۋشى ەركىن وڭعاربايەۆ بايانداما جاسادى.
«زاڭ جوباسىن دايىنداۋ بارىسىندا مەملەكەتتىك ورگاندار، قوعامدىق بىرلەستىكتەر، ساراپشىلار قاۋىمداستىعى وكىلدەرىنىڭ جانە ازاماتتاردىڭ ۇسىنىستارى مەن ويلارى بارىنشا ەسكەرىلدى. جاڭا نورمالاردى ەنگىزۋ بارىسىندا حالىقارالىق تاجىريبەگە باسا نازار اۋدارىلدى»، - دەپ اتاپ ءوتتى ەركىن وڭعاربايەۆ.
زاڭ جوباسىنا قازاقستان ازاماتتارىنىڭ شەتەلدەردە ءدىني ءبىلىم الۋىن رەتتەيتىن جاڭا نورما ەنگىزىلگەن. وسىنىڭ نەگىزىندە ەندى ەلىمىزدىڭ ازاماتتارى قازاقستاندا جوعارى وقۋ ورىندارىن اياقتاعاننان كەيىن عانا شەتەلدە ءدىني ءبىلىم الا الادى. تۇركيا جانە مالايزيا ەلدەرىنىڭ تاجىريبەسىنە سۇيەنسەك، بۇل ەلدەردىڭ ازاماتتارى شەت مەملەكەتتەردە ءدىني ءبىلىم الۋ ءۇشىن ەڭ الدىمەن ءوز وتاندارىندا جوعارى ءبىلىم الۋلارى شارت.
زاڭ جوباسىنا ەنگىزىلىپ وتىرعان تاعى ءبىر جاڭاشىلدىق ول - كامەلەت جاسىنا تولماعان جاسوسپىرىمدەردى اتا-اناسىنىڭ رۇقساتىنسىز قۇلشىلىق ەتۋگە، ءدىني راسىمدەردى ورىنداۋعا قاتىستىرماۋ. مۇنداي نورمالار وزبەكستان مەن تاجىكستان ەلدەرىنىڭ زاڭنامالارىندا بەكىتىلگەن.
سونداي-اق، قوعامداعى تۇراقتىلىقتى قامتاماسىز ەتۋ ماقساتىندا ادامنىڭ بەت- بەينەسىن تۇمشالايتىن كيىم نىساندارىن قوعامدىق جەرلەردە كيۋگە تىيىم سالۋ كوزدەلىپ وتىر (نيكاب، چادرا، پاراندجا، بالاكلاۆا، ماسكا).
ماسەلەن، بەلگيا، فرانتسيا، نيدەرلاندى، بولگاريا مەملەكەتتەرى ادامنىڭ بەت- الپەتىن تۇمشالايتىن كيىم نىساندارىنا شەكتەۋ قويۋ بارىسىندا حالىقارالىق تاجىريبەگە سۇيەنگەن.
شارا سوڭىندا كەڭەس مۇشەلەرى ءوزارا پىكىر الماسىپ، ءوز ويلارىن ءبىلدىردى. اتاپ ايتقاندا، ءدىن سالاسى، ازاماتتىق قوعاممەن قارىم- قاتىناس جانە جاستار ساياساتىن جۇزەگە اسىرۋ سالالارىندا جۇمىستاردى جەتىلدىرۋ جونىندەگى ۇسىنىستارىن ورتاعا سالدى.
