ميللياردەر ۋوررەن باففەت قازاقستانداعى ۋران بانكى قۇرىلىسىنا قارجى سالدى
«پرەزيدەنت نۇرسۇلتان نازاربايەۆتىڭ كوشباسشىلىعىن، سونىمەن قاتار بىرنەشە ونداعان جىل بويى جاھاندىق يادرولىق قارۋدى تاراتپاۋدىڭ مودەلى رەتىندە قىزمەت ەتكەن قازاقستان حالقىنىڭ قايىرىمدىلىق جىگەرىن اتاپ وتكىم كەلەدى. يادرولىق قاۋىپتى قىسقارتۋ جونىندەگى باستامانىڭ كەڭەسشىسى ۋوررەن باففەتتىڭ جومارتتىعىن دا ايرىقشا اتايمىن. ول باستاماسى رەتىندە ەلۋ ميلليون دوللار بەردى. ۋوررەن يادرولىق قارۋدىڭ تارالۋ قاۋپىن قىسقارتۋعا كومەك كورسەتكەننەن ارتىق ينۆەستيتسيا جوق دەيدى. سونىمەن قاتار دونور ەلدەردىڭ دە ۇلەسىن ايرىقشا اتاپ وتەمىن»، - دەدى تومەن بايىتىلعان ۋران بانكىنىڭ اشىلۋ سالتاناتىنا ارنالعان شارادا يادرولىق قارۋدى قىسقارتۋ باستاماسىنىڭ تەڭ ءتوراعاسى سامۋەل نانن.
ايتا كەتەيىك، بۇگىن ەلباسى نۇرسۇلتان نازاربايەۆ قازاقستان اۋماعىندا قۇرىلعان حالىقارالىق تومەن بايىتىلعان ۋران بانكىن رەسمي اشتى. سالتاناتتى شارا بارىسىندا قازاقستان پرەزيدەنتى ماگاتە- ءنىڭ باس ديرەكتورى يۋكيا امانوعا بانكتىڭ سيمۆولدىق كىلتىن تابىس ەتتى.
اۆتور: مارلان جيەمباي
