08:03, 29 - تامىز 2017 | GMT +5
سولتۇستىك كاريا جاپونياعا قاراي زىمىران ۇشىردى
استانا. قازاقپارات - 29- تامىز كۇنى ك ح د ر جاپونياعا قاراي كەزەكتى رەت زىمىران ۇشىردى.
بۇل تۋرالى ت ا س س اگەنتتىگى جازۋدا.
تاراتىلعان حابارلامادا اتاپ وتىلگەندەي، ك ح د ر ۇشىرعان زىمىران ءۇش بولىككە ءبولىنىپ، جاپونيانىڭ حوككايدو ارالىنىڭ ماڭىنا قۇلاعان.
بۇل تۋرالى سونداي-اق شۇعىل باسپا ءسوز ءماسليحاتىندا جاپونيا مينيسترلەر كابينەتىنىڭ باس حاتشىسى ەسيحيدە سۋگا ءمالىم ەتتى.
جاپونيا بيلىگى حالىقتى شۇعىل اقپاراتتاندىرۋ جۇيەسى J- Alert ارقىلى ەسكەرتۋ تاراتىپ، بولجام بويىنشا، ك ح د ر جىبەرگەن زىمىران جاپونيانىڭ سولتۇستىك-شىعىس بولىگىمەن ءوتىپ، تىنىق مۇحيتقا قاراي ۇشقانىن حابارلادى. ەسكەرتۋ حوككايدو، اوموري، مياگي، يۆاتە، اكيتا جانە ياماگاتا پرەفەكتۋرالارىنا قاتىستى.
