07:19, 29 - تامىز 2017 | GMT +6
عالىمدار جارتى عاسىردان كەيىن توري رەاكتورىن سىناپ كورمەكشى
استانا. قازاقپارات - نيدەرلاندتىق عالىمدار توري تۇزىنىڭ بالقىتپاسى رەاكتورلارىنا سىناما جاساپ كورۋدى جوسپارلاپ وتىر.
مۇنداي عىلىمي تاجىريبە سوڭعى ەلۋ جىلدا العاش رەت جاسالماقشى، دەپ حابارلايدى قازاقپارات.
ول ءۇشىن عالىمدار پايدالانىلعان يادرولىق وتىندى كادەگە جاراتۋ جانە اسا جوعارى تەمپەراتۋراعا ءتوزىمدى قورىتپا جاساۋ ماسەلەلەرىن شەشۋى كەرەك.
توريدىڭ «تانىمالدىعى» ۋرانمەن سالىستىرعاندا تومەنىرەك، ويتكەنى، ونى قارۋعا پايدالانۋ قيىنعا سوعادى. ال، وتكەن عاسىردا يادرولىق قارۋ جاساۋشى مەملەكەتتەر ەنەرگيا كوزى رەتىندە پايدالانىلمايتىن ەلەمەنتتەرگە باسا نازار اۋدارعان، دەپ جازدى Engagdet.
كوپتەگەن ەلدەر ەنەرگيا الۋدىڭ جاڭا جولدارىن ىزدەپ جاتىر، الايدا، بالامالى ەنەرگيا كوزىنە كوشۋ ءبىر عانا ونجىلدىقتىڭ جۇمىسى ەمەس. توري رەاكتورلارىن ارالىق تىزبەك ماقساتىندا پايدالانۋ - قيىن جاعدايدان شىعۋدىڭ جولى بولۋى ابدەن مۇمكىن.