قازاقستانداعى ەڭ ءىرى ءۇش اۆتوموبيل جولى جىل سوڭىنا دەيىن اقىلى بولادى
بۇل جونىندە «قازاقپارات» ح ا ا تىلشىسىنە ق ر ينۆەستيتسيالار جانە دامۋ مينيسترلىگى اۆتوموبيل جولدارى كوميتەتى ءتوراعاسىنىڭ ورىنباسارى سايرانبەك بارماقوۆ حابارلايدى.
«وسى جىلى ءبىز «استانا- تەمىرتاۋ»، «الماتى- قاپشاعاي» جانە «الماتى- قورعاس» اۆتوموبيل جولدارىن اقىلى ەتەمىز. ال قالعان 5 مىڭ شاقىرىم بويىنشا ءبىز جوبا- سمەتالىق قۇجاتتار ازىرلەۋدەمىز جانە ولاردى قاراشا ايىندا اياقتايمىز. كەلەر جىلى وسى باعىتتاعى جۇمىستار قولعا الىنا باستايدى. كەلەسى جىلى 5 مىڭ ك م جولدى اقىلى ەتۋىمىز كەرەك» -، دەدى مينيسترلىك وكىلى «قازاقپارات» ح ا ا تىلشىسىنە.
س. بارماقوۆتىڭ ايتۋىنشا، اتالعان جولداردىڭ اقىلى ەتۋ جۇيەسى «استانا- شۋچينسك» تراسساسى بويىنداعىداي گيبريدتى بولادى.
«باعا ارنايى القا وتىرىسىنىڭ شەشىمى نەگىزىندە ناقتىلانادى. بىزدە بۇل ماسەلە بويىنشا ءتيىستى شەشىم قابىلدايتىن ارنايى كوميسسيا بار. ازىرگە 1 ك م جولدىڭ قۇنى 1 تەڭگە. ازىرگە وزگەرىس جوق. اقىلى جولدان تۇسەتىن پايدا جولدى كۇتىپ، ۇستاۋعا جۇمسالادى. جولدى جوندەپ، كۇتۋگە ءبىز بيۋدجەتتەن ءبىر تيىن دا بولمەيمىز»، - دەدى كوميتەت ءتوراعاسىنىڭ ورىنباسارى.
